روايه "لما نحب"

البارت السادس ( صداقه)🖤

البارت السادس..

في احدي الكافيهات المشهوره بمدينه القاهره..
يجلس مجموعه من الشباب يتكلمون ويضحكون ويتجاذبون اطراف الحديث..

احمد بغيظ : بقولك ايه انت نصاب ياض انت بتغش والمصحف

حمزه بضحك: والمصحف مابغش انت الي دايما بتخسر اعملك ايه؟!

احمد بغضب: ياعم خد الكوتشينه بتاعتك دي ياعم شكل ورقها ناقص او مسحوره ده مفيش مره لعبت بيها إلا لما خسرت..

حمزه بضحك علي سخافه صديقه: ربنا يشفيك يا ابني والله ....ثم اكمل: انا هطلب اكل يا شباب انا علي لحم بطني من الصبح.. هتاكلوا معايا مش كده..

احمد: اه هناكل بس استني مازن جاي في الطريق

حمزه وعبد الرحمن بصوت واحد: مازن مين؟!

احمد وعمار بضحك علي سرعه الأداء الخاصه بهم؟! لما يجي هتعر.....
ولم يكمل احمد جملته حتي رأي صديقه مازن قادم من بعيد..

احمد: اهو جه اهو..

القي مازن السلام عليهم وجلس معهم

احمد وهو يشير الي صديقه: ده مازن يا شوبااب..أنا وهو أصدقاء من وإحنا صغيرين وانا صاحبه الوحيد..

حمزه بإستغراب: صاحبه الوحيد..!

مازن: ايوه انا ماليش في الدنيا دي صحاب غير احمد وبس

حمزه بإبتسامه جميله : واحنا كمان اكيد هنبقي صحاب وهنشوفك كتير وهتتعود علينا ونتعود عليك..

مازن مؤكدا علي كلامه فقد سمع من احمد الكثير والكثير عنهم وتشوق جدا لرؤيتهم ولذلك وافق أن يأتي معهم اليوم : إن شاء الله اكيد يشرفني طبعا

عمار بثقه: طبعا انا غني عن التعريف يا جماعه احنا متربين سوي انا واحمد ومازن

مازن بضحك: طبعا يا باشا.. هو في حد ينسي المقالب الي كنا بنعملها في بعض واحنا اطفال برئاء

عمار بضحك متذكرا كلامه: برئاء؟!!! ايوه احنا كنا برئاء فعلا وبالذات انتوا.. هو انا ناسي..كنتوا تعملوا المصايب وترموها عليا...

احمد ومازن بمرح و بصوت واحد : محصلش

ضحكوا جميعا عليهم واكملوا حديثهم..

...

علي الناحيه الأخري

شهد وهي قادمه من بعيد : وحشتوووني وحشتووووني وحشتووووووني تييرااااراااااراا..

فيروز بضحك علي شهد: اقعدي اقعدي فضحتينا

وفاء بضحك هي الأخري: وانتي اكتر يا نور عيني

ريهام بضحك ومرح: يعم انت اكتر والله

شهد بمرح وهي تجلس: اعمل ايه طيب ما انا ما بصدق اخرج انا وانتوا علشان اقعد معاكوا..انتوا قعدتكوا ميتشبعش منها..