روايه "لما نحب"

البارت الثالث ( نظرات عاشقه)🖤

البارت الثالث:

ثم اتجهوا إلي السيكشن الخاص بهم بعد أن هاتفت شهد والدتها واخبرتها بوصولها إلي الجامعه سالمه.. ولحسن حظهم أنهم وصلوا قبل دخول الدكتور بثوان فقط

...

في مكان اخر..

وخاصه في جامعه عين شمس دخلت جامعتها مسرعه حتي لا تتأخر علي محاضرتها.. ف هذه هي أول سنه لها بالطب وعليها الإجتهاد كثيرا حتي تحقق حلمها وحلم والدها وفجأه لفت انتبهاها صوته وهو يرحب بأصدقائه ..صوت لطالما عشقته وكانت تفكر في ماذا لو كان صوته موسيقي هادئه تسمعها عندما تشتاق له ولرؤيته.. ف هم كانوا يدرسون معا بنفس المكان قبل دخولهم الجامعه.. ف كان ينتهي درسه اولآ ثم تأتي هي بعده.. عندما رأته ب درس الفيزياء لأول مره كانت تلك المره الأولي التي يدق بها قلبها.. وعلمت انه يكبرها بسنتين ولكنها اقسمت انها ستضعه بقلبها وتغلق عليه حتي لا تري غيره منذ تلك اللحظه..

وقد افاقت علي يد تربت عليها..

هدي بحزن: يلا يا وفاء هنتأخر علي المحاضره..متفكريش كتير فيه هتتعبي.. مش فاكره كلام شهد ليكي لما قالتلك خلي المراكب سايره وبكره لو ليكي نصيب فيه هيجيلك لحد عندك..

• ( هدي صاحبه وفاء من وهما صغيرين عندها 20 سنه وفي كليه الطب مع وفاء.. ) •

وفاء بوجع: عندك حق يا هدي بس انا بحبه جدا وهو حتي ميعرفش..مش يمكن لو كان يعرف كان بادلني الحب ده..

هدي: ومش يمكن يكون بيحبك وانتي الي متعرفيش..

وفاء: تفتكري ده ممكن يحصل

هدي: هرجع واقولك افتكري كلام شهد ليكي وانه كل شيء وارد ومش يمكن هو الي يكون مستني منك الحب ده؟..

وفاء بإنتباه وقد رجعت لأرض الواقع وكأنها كانت مغيبه: يلا يا هدي نلحق المحاضره وبلاها كلام في حاجات مستحيل تتحقق اصلا يلا بينا

هدي وقد يأست من صديقه عمرها: يلا يا وفاء

...

علي الناحيه الأخري..

كان يراقبهم بنظرات حزينه لا يعلم منذ متي واصبح قلبه عاشقا لها.. لقد استولت علي تفكيره ولم تعطيه الفرصه في فهم مشاعره..ف دائما يداهمه شعور انه لا يستحقها وانها تستحق الأفضل منه بكثير..ولكن لماذا لماذا؟!!

قلبه: علشان انت غبي ايوه غبي..ما تروح تقولها إنك بتحبها وخد خطوه.. وانت اش عرفك هي هتحبني ولا لا..اش عرفك انت؟!!

عقله: لا لا مأظنش عمرها ما هتحبني هي تستحق واحد احسن مني.. هي مختلفه عن كل الي عرفتهم..دي الوحيده الي مكلمتهاش او قربت منها..خايف خايف اووي..خايف لو قربت اخسرها..دي الي حبيتها بجد..

قلبه:انت مجربتش حتي تقرب علشان تعرف هتخسرها اصلا ولا لا

افاق من تفكيره علي صوت صديقه سليم..