البارت الرابع:
إقترب مازن منهما ووقف خلف شهد
مازن: احم لو سمحت
نظرت شهد له بإستغراب: بتكلمني انا؟!!
ويا ليتها لم تنظر له..
وقف مازن ينظر إليها والي عينيها..ف لو كانت العيون تتحدث..لتحدثت عيناه بكلام الغزل والعشق محدثه عينيها..
" كُحل عيناها يأسرني و إن كان أسري في سجنها فأنا احب سجاني
كنتُ ثابتًا مهما مرّ من امامي إلا عيِّناها فكانت اول هزائمي"
(مقتبسه من خاطرين) 🖋
شهد وهي مستغربه نظراته لها: انت يا أستاذ انت بتبصلي كده ليه!؟
مازن وقد اخذ يلملم شتات نفسه: انتي مين؟!
شهد بغيظ: انت الي جاي تكلمني المفروض انا الي اسألك انت مين ولا انت شايف ايه؟؟
مازن بعدم وعي لما قالته: هه
شهد بعصبيه: هووو في اااايييه بالظبط؟؟؟؟
مازن وقد فاق من غيبوبته اخيرا: مفييش حاجه هيكون في ايه يعني عن اذنك
شهد مستغربه: ماله ده؟!
رجع مازن الي احمد مستغربا من نفسه ومما حدث..
احمد : ايه يا ابني انت لحقت هو حصل ايه؟!
مازن بعدم وعي: قلبي.. قلبي دق!!!!..
احمد ولم يستوعب ما قاله: ده الي هو ايه ده إن شاء الله مش فاهم!!؟
مازن وقد انتبه له: ها لا متاخدش في بالك
احمد : حصل ايه فهمني؟!
مازن: محصلش حاجه قولتلها نتعرف قالتلي لا وخلاص..وبعدين انا بحذرك اهو ملكش دعوه بيها يا احمد
احمد مستغربا: هي مين دي الي مليش دعوه بيها..انت بتتكلم عن مين اصلا؟!
مازن متلجلجا : البنت.... البنت الي انا روحتلها دي..الي.. الي هناك دي..
احمد : في ايه يا مازن ايه الي جرالك انت بتتكلم كده ليه..وبعدين انا مالي بيها..هو انا اعرفها اصلا؟!
واكمل بصوت خفيض: انا عايز اعرف صاحبتها
مازن: هه قولت ايه!
احمد : لا مقولتش حاجه
مازن: ماشي يا احمد .. جدع خليك علي وضعك بقي ومتقربش منها..انا ماشي سلام
احمد : طيب سلام
مازن وعند مغادرته للمكان وجدها مره اخري..
تلك الفتاه التي اسرته بعيناها..
لم تأسره فتاه من قبل..
ولكن تلك الفتاه...!!!!
هي فقط من استطاعت!! كيف!!
رأها تدخل مكتبه الجامعه.. ذهب ورائها كالمغيب..وجدها تقف امام مجموعه كبيره من الكتب والروايات..
مدت يدها لتأخذ روايه من الروايات..
دقق النظر جيدا حتي عرف اسمها..
« اسير عينيها»
وقف لبرهه مصدوما مما رأي..
مازن في نفسه : اسير عينيها!! وانتي فعلا اسرتيني ..
وفجأه اخذت الجديه تظهر علي ملامحه الرجوليه الجذابه والتي كانت تجذب اي فتاه تراها.. محدثا قلبه الذي خانه ودق لأول مره بحياته..
اكيد في حاجه غلط..فوووق يا مازن فوق..انت ناسي ان صنفهم كلهم واحد..صنف حوا كله مش هيتغير..كلهم خاينين..انت اكيد منستش ده..فوووق بقي واعقل..
أنت تقرأ
روايه "لما نحب"
Romantizmعندما يدق الحب علي قلوب ظنت يوماً آنه لا وجود للحب.. عندما تعلم مدي خطأك في معرفة من يحبك بصدق... عندما تسيء الظن في من أحببت ولا تجد شيئاً يعوض خسارتة🖤
