روايه "لما نحب"

البارت الحادي عشر (هكذا تكون البدايه)🖤

البارت الحادي عشر..

انهت شهد المكالمه مع صديقتها ثم جاءت ب بالها فكره..
نظرت الي ذلك الرقم لبضع دقائق ثم ضغطت عليه..
ظل يرن كثيرا.. حتي اتاها الرد..

الشخص: الو مين معايا؟!!

شهد بتوتر: انا..انا شهد..

حمزه بإستغراب: تشرفنا بس شهد مين برضه؟!

شهد بتوتر اكبر: احم انا صاحبه وفاء..الكافيه..مش فاكر..

حمزه بعد ان علم انها هي: ممم وبتتصلي ليه بقا..انتي مش قولتي يستحيل اكلمك..

شهد بإحراج : خلاص لو سمحت بقي.. ممكن تقولي هنعمل ايه؟!

حمزه : طب بصي يا شهد انا في الشغل دلوقتي وكمان هبقي مطبق لوقت متأخر ف مش هعرف اكلمك انهارده..وعندي شغل بكره كمان..

شهد بصدمه: هو انت بتشتغل!!

محمد بإستغراب: ايوه ايه الغريب في كده!

شهد: لا لا مفيش حاجه.. بس استغربت انك بتدرس وبتشتغل في نفس الوقت..

حمزه بتلقائيه: عادي يا ستي.. انا راجل دلوقتي..
ايه هخلي اهلي يصرفوا عليا في سني ده؟؟..

شهد بإعجاب: ممم.. لا بالعكس ربنا معاك بجد..

حمزه: يارب انا وانتي.. المهم هنعمل ايه؟!

شهد: طب بص انت هتخلص الشغل بكره علي امتي..

حمزه: يعني علي الساعه 4 كده

شهد: تمام ايه رأيك علي الساعه 5 تجيلي المرسم بتاعي؟!

حمزه بتعجب: انتي عندك مرسم..

شهد بحمحمه: احم.. اه.. عندي..

حمزه بتلقائيه: ما شاء الله عليكي

شهد: احم..شكرا .. المهم بكره ينفع تيجي المرسم ولا لا.. هو كده كده في ناس كتير بتشتغل معايا هناك.. وهناك نقدر نتكلم براحتنا.. لإن الكلام علي الفون مش هينفع.. ولا حتي الكلام ف اي مكان تاني.. ف المرسم هيكون افضل بكتير..ايه رأيك؟!

حمزه بتفكير: طيب تمام.. علي 5 هبقي عندك.. اديني العنوان..

شهد بتلقائيه: ماشي اكتب####

حمزه: تمام.. هقفل دلوقتي علشان الشغل..

شهد: تمام اتفضل..

حمزه: سلام

شهد: سلام

اغلقت شهد الهاتف ونظرت امامها بشرود وهي تتذكر ما حدث بالكافيه..

........ فلاش باك..

شهد برجاء : وفاء والنبي اهدي بقي..انتي دموعك غاليه عندي..اهدي بقي الله يخليكي..

وفاء ببكاء: شوفتي يا شهد قالي ايه.. شوفتي

شهد بهدوء: طب يا وفاء وهو هيعرف منين اصلا انك بتحبيه..هيشم علي ضهر ايده؟!