روايه "لما نحب"

البارت الرابع عشر ( تجنبي غيرتي)🖤

البارت الرابع عشر..

احمد وهو ممسك بهاتفه: ايوه يا حمزه احنا في الكافتيرا الي ورا ساحه الكاراتيه مستنيك يلا سلام..

ذهب حمزه الي ذلك المكان الذي وصفه له احمد..ووجدهم يجلسون هناك..وذهب اليهم..

حمزه: ايه يا شباب..اخباركم ايه؟!

رد الجميع بحمد احوالهم

ثم وجد وفاء وفيروز يجلسون معهم..

حمزه بإستغراب: انسه وفاء انتي هنا!!.. امال شهد فين..احم قصدي انسه شهد فين؟!

وفاء وهي تري شهد ومازن يقتربون منهم

وفاء وهي تشير اليهم: اهي جايه هناك اهي..

حمزه وهو ينظر الي ما تشير اليه وفاء..وفجأه تحولت ملامحه الي الغضب و..

حمزه بداخله : ده انتوا ليله امكم سوووووده

شهد بمرح: هاي عليكوا..

وقد لفت نظرها ذلك الشاب الذي يقف بجانبها وينظر اليها..

نظرت شهد بجانبها وتفاجأت بوجود حمزه و..

شهد بإستغراب: ايه الي جابك..اقصد يعني بتعمل ايه هنا؟!

حمزه بغضب وهو ينظر الي مازن: انتي الي بتعملي ايه هنا؟!

شهد ولم تفهم نظرات حمزه: ايه يا ابني هكون بعمل ايه..جايه النادي هكون بعمل ايه يعني بتشمس!!

وبعدين اوعي كده خليني اكل..

وجلست شهد علي كرسيها ووضعت الطعام علي الطاوله..فكانت رائحه الطعام شهيه..وفجأه وجدت جميعهم ينظرون اليها بصدمه وهي تأكل بنهم..
ولكن فيروز ووفاء كانوا ينظرون اليها بطبيعه وكأنهم يعرفون صديقتهم جيدا..

شهد وقد لاحظت تلك النظرات..

شهد والطعام بفمها: هو في ايه منك ليها بتبصولي كده ليه اول مره تشوفوا حد بياكل..

احمد ومازال علي صدمته: لا مش اول مره بس انتي يعني قاعده بتاكلي وكده بطريقه غريبه..كأنك مكلتيش بقالك تلت ايام!!!..

شهد وهي تأكل: لا عادي ولا تلت ايام ولا حاجه..بس انا مكلتش من الصبح..وبعدين هو انتوا هتبصولي في الأكل ولا ايه؟!

احمد: لا لا الف هنا..

مازن: ده انتي حتي معزمتيش علينا يعني..

شهد والطعام بفمها: ميكفووش..

احمد بصدمه وهو ينظر لتلك الحقيبه المليئه بالطعام: احم..هو ايه الي ميكفوش بالظبط..

شهد بتلقائيه: ميكفوناش كلنا..ده يدوبك يكفوني انا..

عمار وقد نطق اخيرا من الصدمه: هو اصلا انتي جايبه كام سندوتش..

شهد بتلقائيه: 15

عمار بصدمه: نعمممممم

احمد بصدمه : كل ده وميكفووووش!!!