| Dear Miss Librarian | [ TWO ]
Mina's POV
အိမ်ကမထွက်ခင် စားပွဲပေါ်မှာသတိတရတင်ထားတဲ့ Harry Potter စာအုပ်လေးကိုထည့်ရင်းထွက်လာခဲ့လိုက်သည် ။ မနက်ပိုင်းကသွားစရာရှိတာမို့ နေ့လည်ခင်းမှသာ စာကြည့်တိုက်ကိုထွက်လာဖြစ်သည် ။ Sana ကိုဖုန်းဆက်ကာ စာကြည့်တိုက်ကိုနည်းနည်းကြည့်ထားပေးဖို့အကူအညီတောင်းထားလိုက်သည် ။
သူမ Reception ကိုရောက်သွားတာ့ စာရွက်လေးတစ်ရွက်က စားပွဲပေါ်မှာရောက်နှင့်ပြီးသားလေးဖြစ်နေသည် ။
" အာာာ ဒီနေ့လည်းလွတ်သွားပြန်ပြီ "
လွယ်ထားတဲ့အိတ်လေးကိုချပြီး စာရွက်အပိုင်းအစလေးကို အလျင်အမြန်ပင်ဖွင့်ဖတ်မိလိုက်သည် ။
" Dear Miss Librarian
စာကြည့်တိုက်ထဲဝင်လိုက်လို့ ခင်ဗျားလေးကိုမတွေ့ရရင် ရင်တွေပူထူသွားရတယ် "
အသည်းယားစရာ စာလေးတွေကြောင့် လက်သည်းလေးတွေကိုကုပ်ထားမိသည် ။ စားပွဲပေါ်က စာအုပ်လေးတွေကို သယ်ရင်း စာအုပ်စင်တွေဆီသွားထားဖို့ပြင်လိုက်ပေမယ့် တစ်ခုသတိရသွားတာမို့ အကြည့်တွေကတစ်နေရာဆီရောက်သွားတော့သည် ။
အိတ်ထဲမှာထည့်ယူလာတဲ့စာအုပ်လေးကိုထုတ်ရင်း ပြတင်းပေါက်ဘေးနားလေးက စားပွဲလေးဆီ လျှောက်သွားလိုက်ကာ
" အဟမ်း "
ချောင်းဟန့်လိုက်တော့ စာကိုအာရုံစိုက်ပြီးဖတ်နေရင်းကနေခေါင်းမော့လာသည် ။ သူမအမြင်မမှားဘူးဆိုရင် ပြူးပြူးလေးမော့ကြည့်လာတဲ့ မျက်လုံးဝိုင်းဝိုင်းလေးတွေအရောင်လက်သွားတာကို သေချာပေါက်တွေ့လိုက်သည် ။
" အော် လာသားဘဲ "
" ဟင် "
" အာ ဟို.. Reception မှာမတွေ့လို့ မ မလာဘူးထင်လို့ပါ "
စကားထစ်ထစ်အအ ပြောနေတဲ့သူလေးကိုကြောင်ကြည့်နေမိသည် ။ သူ့ကိုကြည့်ရတာရှက်နေတဲ့ပုံပေမယ့် ဘာကြောင့်လဲဆိုတာကိုတော့မသိ ။ ပြီးတော့ သူမ မလာတာကိုသတိထားမိတယ်တဲ့လား ။အတွေးမလွန်ချင်တာမို့ စာအုပ်တောင်းဖို့ရှိလို့နေမှာပါ ဆိုပြီးဘဲ အတွေးတွေကိုအဆုံးသတ်လိုက်တော့သည် ။
YOU ARE READING
| Dear Miss Librarian | | Michaeng |
Fanfictionရွှေအိုရောင်ဆံပင်လေးနဲ့ နူးညံ့သိမ်မွေ့လှတဲ့ စာကြည့်တိုက်မှူးလေးဟာ ကျွန်မစာကြည့်တိုက်ကိုနေ့တိုင်းသွားရတဲ့ အကြောင်းအရင်း ..... ။ - Chaeyoung
