رغم اشتياقي

البارت 9

#رواية _رغم_ اشتياقي
#بقلمي_ سارة خليل
________________________________

في فيلة سارة بعد انتهوا من الإفطار
زينة: خلصتو يا بنات!
ديما: أيوا يالا بينا
سهر: بس لو تقوليلنا هتخدينا فين
زينة: هتعرفوا لما نوصل
سهر: بس لو سارة ورضوى يجوا معانا هتبقى خروجه حلوه
ساره: معلش يا بنات ورانا شغل ولازم نخلصه تتعوض إن شاء الله
رضوى بهزار: يا سوسو البنات مصرين، شفتى هيعيطوا اهو علشان كده هروح معاهم انا وبعدين لازم حد كبير يروح معاهم
سارة: انا بناتي ميتقلقش عليهم وبرضو هتيجى معايا المكتب مفيش مرواح في مكان علشان ورانا قضية مهمة لازم نخلصها
رضوى: يوه
زينة: انتى هتروحى الميتم؟
سارة: لا، انا بشتغل محاميه والميتم دا انا فتحاه علشان موضوع طويل هبقى احكيلك بعدين
جنى بسخرية: يعنى انتى لازم تدخلي في اللى ملكيش فيه متطفله
زينة: انا اسفه والله مكنش قصدي أتدخة
حياة: ولا يهمك يا زينة، ونظرت لجنى بطريقة تحذير وقالت: جني متقصدش
ديما لتلطف الجو: يلا نمشي ولا اي هنتأخر
سهر: امال فين هنا
جاءت هنا جرى وقالت: انا خلصت اهو
زينة: اى الحلاوة دي
سارة: لا بقى انا اجى معاكو علشان متتخطفوش
هنا بهزار: خلاص بقى بتكثف
ديما بهزار وهى تقلد محمد انور في مسرح مصر: مكسوفه
سهر: يالا يا ماما انتى وهيا هنتأخر
_________________________
عند اسماء
خرجت اسماء من المنزل ومعها سهى وسهيله بعدما عرفت عنوان زميلهم
وصلوا أمام المنزل، وكان في غاية الجمال والروعه
سهيلة: يا أسماء حرام عليكي احنا هنروح نعمل اى
سهى بلا مبالاة: هنشرب شاى وناخد جوله في البيت الحلو دا ونروح

أسماء: طب احنا هندخل منين البيت كبير وبيتوه
سهى: بصو كل واحده تدخل من مكان ونستكشف البيت اوك
سهيلة: نستكشف يا هبله هو احنا في صحرا وبعدين أكيد في جرس
سهى: بيت طويل عريض عتمل زي المتاهه وكمان مفيش جرس
اسماء شاورت على مكان وقالت: هندخل من هنا يالا
سهى: والله انتى شكلك هتوهينا
اسماء: يالا يا فالحه تعالى
ودخلو وانبهروا من جمال المنزل
اسماء لقيت فازه كبيرة وجميلة جدا، مدت أيدها لتمسكها  فوجئت بشخص يمسك يدها بقوه ويرميها بعيد
اسماء  بغضب وهى تمسك دراعها: آه انت متخلف اى اللى عملته ده
الشخص: انتى مين
اسماء: انت اللي مين
الشخص  ببرود: يعنى جاية تسرقى وكمان مش عارفه انتى جايه تسرقى مين
اسماء بمه: انا جايه أسرق؟ انت مجنون ولا اى! انا جايه علشان
نظرت اسماء حولها ولم تجد سهى وسهيله
اسماء  وهى تتمتم: اى يا ولاد اللذينه والله لوريكو
اسماء: انا كنت جايه مع اخواتى علشان نطمن على عمرو هما زمايله في المدرسة ولما عرفنا اللي حصله جينا نطمن  عليه
الشخص: وهما فين اخواتك دول
اسماء: اكيد تاهوا، اصلا البيت دا الواحد مش عارفله اول من اخر
الشخص: اكيد عمرك ما شفتى بيوت زى كدا
اسماء: محسسنى أنك عايش في قصر الجمهوريه
نظر لها الشخص ببرود وقال: تعالى ورايا ندور عليهم
ذهبت اسماء خلفه واردفت في نفسها: مغرور وغبى وبجح
وعلى الناحيه الاخرى في المنزل