# رواية _رغم _اشتياقي
# بقلمي _سارة خليل
.........................................
غادر الطبيب وظلت أسماء تبكي فاحتضنتها زينة
زينة : متقلقيش يا حبيبتي هي هتبقى كويسة
اسماء : يا رب يا زينة يا رب
سهيلة : هو احنا مش هنرجع البيت
اسماء : لا انا مش هقدر ادخل البيت وهو مفيهوش عمى أحمد انتو هتفضلوا معايا
أسماء : انا عايزه اتكلم معاك يا مراد ضرورى
مراد : اتفضلى
أسماء : هما البنات هيفضلوا معايا مش كدا
مراد : انا عن نفسي معنديش مانع بس هما دلوقتي عندهم 15 سنة و مفيش حد من عيلة عم احمد الله يرحمه ف
اسماء : ف اى اكيد مش هيروحوا الميتم مش كدا
مراد : انا هحاول اعمل اللى اقدر عليه
اسماء : بص انا هتبناهم انا مش هسمح يبعدوا عني ولو ليوم واحد
مراد : مينفعش
اسماء : ليه
مراد : لازم علشان تتبنيهم تكوني متجوزة على الأقل
اسماء : يعنى اى هما كدا هيروحوا منى خلاص
مراد : قولتلك متقلقيش انا هتصرف
نظرت زينة بحزن لاسماء التى تبكي هى وسهيلة والى سهى النائمة
ضمها مراد إليه وحاول تهدئتها : أهدى يا حبيبتي انا قولتلك محدش هياخدهم خلاص بقى
اسماء : انا آسفه يا مراد بتعبك معايا اليومين دول بس
قاطعها مراد : انتى بتقولى اى يا هبلة انتى أختي
ثم نظر لسهيلة : وبما إن أسماء بتعتبركم اخواتها ف أنا هعتبر نفسي اخوكم الكبير تمام
ابتسمت سهيلة : شكرا يا عمو
زينة بمرح : عمو! اى دا انتي تقوليله مارو علطول
نظر لها مراد بغضب فتحدثت بمرح : متقوليهوش يا عمو قولى يا جدو
تنهد مراد وقال : انا همشي على الشركة ولو احتجتوا حاجه يبقى اتصلوا بيا
أسماء : ربنا يخليك
خرج مراد من الغرفة وخرجت زينة وراه
زينة : مراد استني
مراد : نعم
زينة بتوتر : انا كنت عايزه اطلب منك طلب
مراد : طلباتك كترت نعم
زينة : احم كنت عايزه اشتغل
مراد : لا
زينة : اى يا عم مالك صريح كدا ليه المفروض تقول افكر اى حاجه يعني
مراد : انا قولت مفيش شغل هو انا
قاطعته زينة : والنبي مانت قايل هقولك الاسطوانه هو انا حارمك من حاجه لما احرمك من حاجه يبقى تعالى قوليلي عاوزه اشتغل
مراد : بما انك عارفه بتسألي لي
زينة : هو كل معلوماتكم عن الشغل هو علشان الفلوس وبس انا عايزة اشتغل علشان دا حلمي من زمان انا تعبت كتير في حياتي علشان ادخل كلية الهندسة ولما ادخلها اكيد مش هقعد في البيت
مراد : اولا انتي لسه في سنة أولى وبتدورى على الشغل من دلوقتي ثانياً مين هيهتم بريم وخصوصاً إن تيته هتسافر بعد اسبوع
أنت تقرأ
رغم اشتياقي
Ficción Generalكانت له مجرد هدف لتحقيق غايته فاصبحت هي غايته، مجرد انتقام لعين وقف في طريقهم إلي الحب فهل سيخوضوا حروبهم وينتصروا أم للقدر رأي آخر
