SᴇCᴏɴD LᴏᴠE - [Cᴏᴍᴘʟᴇᴛᴇᴅ]

Introduction🌹

Unicode

Jungkook တစ်​ယောက်အိမ်ထဲကို ​ခြေချလိုက်မိတာနဲ့ တန်းရှာမိသည်က အစ်ကို့ကို။ ခါတိုင်းဆိုသူအလုပ်ကပြန်လာတာနဲ့ အ​ပြေး​​လေးလာကြိုတတ်သည့် အစ်ကိုကအခုသူအိမ်ထဲ​ရောက်တဲ့အထိ အရိပ်​တောင်မ​တွေ့ရ​သေး။ ကြည့်ရတာသူအိမ်ပြန်​နောက်ကျလို့ စိတ်ဆိုး​​နေတာ​ဖြစ်ရမည်။ သူကအ​ကြောင်းမဲ့​​နောက်ကျတာမဟုတ်။

အလုပ်​တွေများ​နေတာကြောင့်ရယ်၊ အစ်ကိုကြိုက်တတ်တဲ့ Strawberry Cake ဝင်ဝယ်​နေတာ​ကြောင့် ကြာသွားခြင်းသာ။ အဲ့ဒါ​တွေကိုမသိတဲ့သူ့ရဲ့ အစ်ကို​ပေါက်စက​တော့သူ့ကို စိတ်ဆိုး​နေမှာ​သေချာသည်။

သူတို့နှစ်​ယောက်ရဲ့အခန်းထဲကို ဝင်လိုက်​တော့လဲ အစ်ကို့ကိုမ​တွေ့။ ဘယ်​တွေ​ရောက်​နေတာလဲ ဆိုတာကိုစဥ်းစားရင်း ကုတင်မှာထိုင်​နေမိတုန်း ​ရေချိုးခန်းထဲက​နေ ထွက်လာတဲ့အစ်ကို​ကြောင့် Jungkook နည်းနည်းစိတ်​အေးသွားမိသည်။

"Jungkook ပြန်​ရောက်​နေပြီလား။ ရေချိုး​တာနောက်ကျပြီး အခုမှချိုးဖြစ်လို့ လာမကြိုဖြစ်လိုက်ဘူး။"

ပုံမှန်​လေသံနဲ့​ပြောလာတဲ့ အစ်ကို​ကြောင့်သူ့ကိုစိတ်​ကောက်မ​နေဘူးဆိုတာကို​တော့ Jungkook ​ကောင်း​ကောင်းသိလိုက်ရသည်။ ဒါ​ပေမယ့်အရမ်းလွမ်း​နေခဲ့တဲ့ အစ်ကို့ရဲ့ခန္ဓာကိုယ်​လေးကို ဖက်ထားလိုက်ကာ

"အစ်ကို့ကို အရမ်းသတိရ​နေတာ။"

"တစ်​ယောက်​ယောက်ကြားရင် အကြာကြီးခွဲ​နေရတဲ့သူ​တွေလို့ ထင်​နေဦးမယ်။"

"ဒီ​​နေ့တစ်​နေ့လုံးခွဲ​နေရတာ​လေ။ မလွမ်းဘဲ​နေမလားအစ်ကိုရဲ့။"

ဖက်ထားတာကိုလွှတ်မ​ပေးဘဲ ​​​ပြော​နေတဲ့ Jungkook ရဲ့စကား​တွေက အစစ်အမှန်​တွေမဟုတ်ခဲ့ဘူးဆိုရင်​တောင် Taehyung ​ကျေနပ်မိမှာအမှန်ပင်။ ဒါ​ပေမယ့် Jungkook ကသူ့ကိုဘယ်​လောက်ချစ်လဲဆိုတာကို သူ​ကောင်း​ကောင်းသိသည်။

အခက်အခဲ​တွေ၊ဒဏ်ရာ​တွေကြားမှာ နစ်မွန်း​နေခဲ့တဲ့ Jungkook ကိုကြိုးစားနှစ်သိမ့်​ပေးကာ ချစ်​ပေးခဲ့တဲ့သူက Jungkook ရဲ့အရာရာဆိုတာကို သူ​ကောင်း​ကောင်းနားလည်သည်။ တချို့​တွေက​​တော့ ​ပြောကြလိမ့်မယ်။ Jungkook ကသူ့ကိုမချစ်ဘဲ သူ့ပိုင်ဆိုင်မှု​တွေကိုချစ်လို့ သူ့ကိုလက်ထပ်ထားတာလို့။ ဒါ​​ပေမယ့်သူ့အ​ပေါ် ထားတဲ့ Jungkook ရဲ့အချစ်​တွေက စစ်မှန်တယ်ဆိုတာကို သူသိတာ​ကြောင့် ထိုစကား​တွေကို မနာလိုလို့​ပြောတာလို့ပဲ သတ်မှတ်ထားမိသည်။