Ngadu Hayam
Dina hiji desa aya pamuda anu ngaranna Yana. Yana teh boga watek anu heuras, sombong, licik jeung sok nyiar-nyiar masalah.
Watek anu dipikaboga ku Yana ieu teh jadi meresahkan masarakat anu aya di sakitarna. Salasahijina nyaeta Topan si budak bageur anu watekna mangbalikan ti watek Yana.
Kusabab watek Topan anu bageur, Topan jadi di pikareusep ku masarakat anu aya didinya. Yana anu nyaho kitu jadi emosi jeung dengki ka Topan. Yana sok neangan masalah ka Topan, tapi Topan mah sok sabar nyanghareupan sikep Yana ka manehna.
Dina hiji poe, Topan nembe pisan mulang ti masjid ningali Yana anu keur cicing di warung sabari nyebat roko. Yana anu pas pisan ngalieuk ningali Topan anu keur ningalikeun manehna pok ngomong.
"Heh Topan! Nanaonan maneh ningalikeun kuring." Sinis Yana
"Ah henteu, abdi mah teu ngahaja neuteup anjeun didieu." Tembal Topan sabari seuri.
"Halah tong sok pura-pura polos lah, kuring oge nyaho pasti maneh teh geuleuh ka kuring" Ceuk Yana nambah sinis.
"Astagfirulloh sanes kitu, Yana" Tembal Topan.
Yana anu geus semu kesel ningali kalakuan Topan anu ceuk manehna mah siga so alim mere tantangan ka Topan.
Yana ngayakeun pasanggiri Ngadu Hayam antara manehna jeung Topan.
"Lamun kuring anu meunang, maneh kudu hormat ka kuring jeung patuh ka omongan kuring" Ceuk Yana.
"Abdi mah satuju-satuju bae, ngan lamun abdi anu meunang, abdi mah hoyong arurang teh jadi babaturan, kumaha?" Tembal si Topan teu hilap ku seurina.
"Hih, ngimpi! Kuring anu bakal menang mah!" Sinis Yana tuluy miceun puntung rokona sabari mangkat.
✦ · · · · ─────────────────── · · · · ✦
Kusabab duanana ges satuju rek di ayakeunna pasanggiri Ngadu Hayam antara Topan jeung Yana. Topan jeung Yana siap-siap jang pasanggiri eta anu diayakeun isukan isuk.
"Huh kumaha carana nya supaya kuring bisa meunang dina pasanggiri Ngadu Hayam isukan?" Pikir Yana.
"Maenya kuring eleh ku jelema anu siga si Topan, hih amit amit." Tuluyna ngomong sorongan.
Babaraha menit mikiran cara supaya meunang dina pasanggiri Ngadu Hayam ngalawan Topan, Yana ahirna manggih ide.
Kahayang Yana anu hayang meunang jeung jadi juara malah ngalanggar aturan anu aya, nyaeta, Yana boga ide jang masang silet anu seukeut dina suku hayam manehna supaya hayam anu Topan eleh tuluy manehna anu meunang.
Yana tuluy neangan silet seukeut anu aya di tempat ngajait indungna. Manehna tuluy nyimpen silet eta jang pasanggiri Ngadu Hayam isukan.
"Hah si Topan mah moal bisa ngelehkeun kuring" Ceuk Yana sabari seuri licik.
✦ · · · · ─────────────────── · · · · ✦
Isukna, pasanggiri Ngadu Hayam di mulai. Topan jeung Yana keur nyiapkeun hayamna masing-masing. Topan mah teu siga Yana anu curang, anu masang silet seukeut di suku hayamna ngarah hayam si Topan eleh.
Samemeh ka pasanggiri Ngadu Hayam eta, diimahna, Yana masangkeun silet seukeut eta kana suku hayam manehna make solatip tanpa aya anu nyaho. seuri licik terbit dina biwir Yana nepi ka tempat pasanggiri Ngadu Hayam eta di laksanakeun.
Masarakat anu geus ngariung hayang lalajo pasanggiri eta teh teu saeutik teu loba oge. Aya ibu ibu sarta bapa bapa, budak leutik anu pang loba na mah.
"Tingalikeun siah Topan" ucap Yana pinuh ku dendam.
Samantara kitu, Topan mah ngabales ku seuri anu sakitu amisna nepi ka matana teh sipit.
Ngadu hayam di mulai ku suasana anu panas, warga anu lalajona oge ngagorowok silih nyumangetan hayam Topan jeung hayam Yana. Awalna mah euweuh anu aneh, tapi hayam Topan geus ngaluarkeun geutih ku sabab silet seukeut anu di pasang ku Yana sukses hampir ngelehkeun hayam na Topan.
"Geus we atuh Topan maneh teh nyerah! Tingali hayam maneh ges sakitu babak belurna, AHAHAHAHAHA!" Lelewe Yana.
Topan anu ningali hayamna geus babak belur tuluy ngarasa panik. Tapi saeutik nya.
Ngan tapi, di tengah-tengah pasanggiri eta, hayam Yana jol narajang suku Yana. Yana pok ngagorowok disusul ku getih anu ngucur dina beutis suku Yana kusabab kena kana silet seukeut anu di pasang ku maneh na supaya hayam si Topan eleh.
Jalma-jalma sarta Topan anu ningali kajadian anu tiba-tiba eta oge reuwas pisan pikeun ningali getih ngucur sakitu lobana dina beutis Yana.
"Arghhhh!!" gorowok Yana ngarasa peurih dina beutisna.
Topan tuluy nyamperkeun Yana anu geus gogoleran dina taneuh sabari nutupan geutih anu ngucur dina beutisna. Yana dibawa ku Topan ka imahna jang di ubaran.
Saatos nepi diimahna Yana, Topan bingung kusabab imah Yana sepi. Ari pek teh Yana sadar indung bapana wayah kitu mah masih keneh gawe di sawah Mang Asep.
Topan anu boga pangalaman ngobatan anu model kitu tuluy neangan bahan-bahan jang ngubaran Yana.
Yana anu ningali Topan anu keur ngubaran manehna ngarasa boga rasa salah. Yana jadi teu genah hate ka Topan anu geus ngubaran manehnana sangkilang Yana teh sok nyiar-nyiar masalah ka Topan, salasahijina nyaeta kalicikan Yana anu hayang meunang dina pasanggiri Ngadu Hayam eta.
Saatos di ubaran, Yana ngarenghap saeutik tuluy nyaritakeun kalicikannana ka Topan anu masang silet anu estuning ku seukeut dina suku hayamna, ngarah hayam Topan eleh.
Topan anu ngadenge carita ti Yana ngan saukur ngagelengkeun mastakana.
"Kuring menta hampura pisan ka maneh, Pan. Kuring teh di butakeun ku rasa dengki, sirik, jeung emosi anu aya di awak kuring." Ceuk Yana sabari ceurik.
"Kuring sok ngarasa emosi lamun ngadenge batur ngomongkeun maneh anu bageur tur alim" Tuluyna.
"Kuring oge sok ngarasa maneh teh ngan pura-pura bageur hungkul, padahal mah ayeuna kuring nyaho sorangan lamun maneh teh bener bageurna." Tuluy Yana deui.
"Astagfirulloh, anjeun ku abdi pasti di hampura wae, Yana" Tembal Topan.
"Sok nyuhunkeun hampura ka Alloh, ibadah ka Alloh, insyaalloh rasa dengki, sirik sarta emosi anu aya di awak anjeun bakal leungit." Tuluyna sabari seuri.
Ngadenge nasehat ti Topan, Yana ceurik. Yana sadar lamun kabencian manehna teh malah mawa petaka ka manehna sorangan. Yana tuluy deui menta hampura ka Alloh atas kasagala dosa anu geus di lakonan ku manehna.
✦ · · · · ─────────────────── · · · · ✦
Kusabab kitu, pasanggiri Ngadu Hayam teh di meunangkeun ku Topan.
Ti poe insiden anu aya di pasanggiri Ngadu Hayam eta, Topan jeung Yana makin akrab. Ka masjid bareng, ulin bareng, euweuh deui rasa dengki antara Yana ka Topan, kitu deui sabalikna.
Yana ngucapkeun syukur ka Alloh, manehna miboga babaturan siga Topan anu ngan henteu bageur di luar hungkul tapi hate na oge. Yana loba di ajar dina sikep Topan eta.
- TAMAT -
