Nu di Pikadeudeuh
Bulan imut ngageuleungu ningali.kuring diuk di gigir jandela kamar bari mikiran lalaki nu teu puguh saha, angin ngahaliwir karasa tiisna, peuting ieu bet asa endah katempona,tapi naha hate kuring beut meni asa ripuh, hate kuring geus teu puguh. Sarebu tanya minuhan pikiran kuring, naha kuring bet mikiran lalaki eta wae, ah pararusing, dug sek kuring sare.
Tok, tok , tok , neng gugah atos siang" kadenge indung kuring ngageroan bari ngetrokan panto.
" Aduh jam lima" kuring rewas, henteu biasana kuring hudang sabeurang kieu, kuring kaluar ti kamar langsung mandi, solat, tuluy siap siap mangkat sakola.
" Neng kunaon gening dinten ayena mah bet gugah bobo na kasiangan?" Teu cara biasa na teu kudu di gugahkeun ku mamah". Tanya indung kuring.
"Henteu kunanaon mah, cigana mah padah neng bobona wengi teuing teu sapertos biasana, margi neng rada sesah bobo". Tembal kuring. "Matak ge pami bobo teh babacaan hela, sareng tong seeur teuing emutan". Tembal indung kuring badi mapatahan.
Muhun mah, neng angkat sakola, nyuhunken piduana nya mah". Kuring mangkat sakola bari salam ka indung kuring.
Mangkat sakola kuring lempang jeung babaturan nyaeta si tita, biasa unggal poe kuring jeung manehna mah ti SD keneh ge geus biasa lempang mun sakola teh. Di sapanjang jalan kuring jeung si tita ngobrolkeun tugas pas keur ngobrol kuring ningali lalaki nu nyieun hate kuring bimbang teu puguh, maneh na ningaliken kuring bari seuri, nya puguh weh kuring teh jadi kageeran.
" Risa , kunaon gening jol sura seuri nyalira kitu? Tanya si tita. " Eh, teu kunanaon tita, biasa tadi aya babaturan SMP kuring ngaliwat dina motor, kuring jadi inget ka maneh na sabab baheulana manehna tukang ngalucu".tembal kuring bari jeung bingung kudu ngajawab kumaha, da mun jujur, kuring sieun di sebut kageeran. Nya ka paksa weh kuring nyieun alesan.
Teu karasa kuring jeung tita geus nepi ka sakola, kuring jeung tita papisah sabab beda kelas.
" Treng, treng, treng.." bel disada nandakeun jam pelajaran teh di mulai.
Brakk... Kadenge aya nu ngagebragkeun meja.
" Risa,kerjaken soal di hareup! Ngalamun wae", cek guru kuring bari melak cangkeng.
Kuring rewas, katempo guru kuring geus nangtung hareupeun kuring bari melak cangkeng, kuring karek nyadar yen tadi kuring keur mikiran wae lalaki eta. Kuring ngerjakeun soal nu di titah ku guru kuring, najan teu merhatiken guru pas ngajelaskeun materi, untung na kuring geus diajar tihela di imah.
Pelajaran geus beres kabeh, kuring buru buru rek balik, tapi pas kaluar gerbang hujan gede jadi kapaksa kuring ngiuhan heula, sugan weh hujan na sakeudeung.
" Risa... " Sam ngageroan bari nepak tak tak kuring.
"Eh , sam aya naon?" Tanya kuring bari ngareret , kuring bingung nempo maneh na jol aya nyamperkeun kuring.
"Hente aya nanaon ris, hehe" tembal sam bari sura seri.
Kadenge sora adzan ngumandang kuring niat rek solat heula bari nungguan hujan raat.
" Eh sam, punten kuring bade natepan heula ashar nya ka masjid," kuring pamit ka sam tuluy kuring langsung ka masjid.
" Assalamualaikum wr.wb" astagfirullah" kuring ngajenghak pas salam kadua tanda beres solat, pamenteu kuring pasangrot jeung pamenteu sam, ti iraha budak ieu aya didieu.
"Ah sam ngarerewas wae" kuring ngagebug lengen na.
"Biasa weh atuh ris" ceuk sam
"Punten sam, kuring uih tipayun nya" kuring pamit ka sam bari make sapatu.
" Bade uih sareng saha?sareng weh jeung kuring". Sam nawaran balik bareng.
" Teu kedah sam, haturnuhun pisan ,kuring mah resep keneh mapah." Ceuk kuring.
Kuring mikir naha si sam mingkin kadieu asa mingkin beda, manehna asa leuwih merhatikeun kuring.
Teu karasa kuring geus nepi ka imah, kuring langsung asup ka kamar, langsung muka hp si sam aya nga WA ka kuring.
"Assalamualaikum wr.wb ris kumaha tos dugi ka bumi?" Tanta sam dina WA
"Waalaikumsalam wr.wb, atos sam" kuring ngahuleng naha si sam mingkin beda, sasarina ge tara kieu.
Waktu maju ka peuting, kuring diuk di harepen imah sabari ngerjakeun tugas.
" Trengtengg" sora hp di sada . Kuring langsung ngangkat telpon.
" Ris, enjing tiasa teu pendak heula di taman sakola? Tanya sam, ngomong dina telepon.
" Mangga sam, tapi punten aya peryogi naon kitu? Asa teu biasana." Tanya kuring bari nada ngajenghak ngadenge sam ngajak kuring papanggih. Rarasaan kuring geus campur aduk, hate kuring asa teu tenang, kuring geus cape mikir tidinya geus weh kuring asup kamar ,langsung dug sare.
Isuk na pas kuring rek mangkat ka sakola, jol si sam geus aya di hareupeun imah, kuring reuwas pisan jeung asa teu geunah hate.
"Hayu ris" ceuk si sam ngajak kuring mangkat bari ngahirupan motor.
Kuring ngahuleng hela bari rada mikir mun kuring nolak teu geunah ka si sam na nya ngges we kuring narima ajakan si sam.
Kuring langsung dibawa ku si sam ka buruan sakola . Kuring bingung si sam rek naon ngajak kuring ka buruan sakola.
" Ris saleresna kuring gaduh rasa kadeudeuh ka anjeun ti mimiti kuring kenal jeung anjen". Sam ngungkapken rasa kadeudeuhna ka kuring. Kuring bingung kudu ngajawab kumaha, da kuring mah geus nganggap si sam teh siga lanceuk kuring sorangan.
" Punten sam sateuacana, sanes kuring nolak, tapi kuring geus nganggap sam siga lanceuk kuring kuring sorangan teu lewih ti eta, mugi sam ngartos, " jawab kuring bari rada teu geunah sabab sieun nganyeyeri hateukeun si sam, da kuring teu bisa maksakeun hate kuring. Kuring langsung pamit ka si sam sabab bel geus di sada kuring kudu buru buru abus kelas.
Jam pelajaran oge di mulai saperti biasa.
" Wilujeng enjing sadayana ,kumaha daramang?, Dinten ayena kadatangan murid anyar kawitna ti SMAN 08 JAKARTA" Guru kuring asup ka kelas bari di tuturken di tukangenna ku murid anyar, tuluy ngenalkeun murid anyar eta, murid anyar eta teh lalaki nu ku kuring di pikirkeun unggal poe, kuring teu nyangka maneh na aya di harepeun kuring, sarebu pananya nu minuhan pikiran kuring ayena geus kajawab.
" Treng,treng,treng " bel istirahat geus di sada, kabeh barudak nyalamperkeun riko murid anyar eta , ngan kuring nu teu wani nyamperkeun riko. Teu lila riko nu nyampeurkeun kuring, manehna diuk digigiren kuring.
" Punten nepangkeun wasta pun riko". Kang riko ngawanohkeun dirina.
" Nepangkeun wastapun risa".tembal kuring, bari rada geumpeur, aya rasa ka bungah dina hate kuring.
" Saleresna kuring tos pernah ningali neng teras punten saleresna kuring sok merhatikeun neng ti tebih". Kang riko junur ka kuring, hate kuring geus teu puguh, sagala karasa leuleus aya, nepi ka bengeut ge jadi beureum. Kuring bingung kudu ngajawab kumaha kuring geus teu bisa ngomong nanaon deui. Hate kuring asa bungah pisan.
Poe ka poe kuring mingkin deukeut jeung kang riko, ti mulai mangkat sakola bareng, diajar bareng, geus babaraha bulan kaliwat, kang riko jadi kadeudeuh kuring, tidinya kuring jadi leuwih sumangeut diajar, sakola, hirup kuring asa jadi sampurna ku ayana kang riko.
TaraMustikaApsari
