"Si adit embung eleh"
Dina hiji poé, wanci pasosoré balik ti karebon, Si adit jeung si ari aruplek ngawangkong (ngobrol) paduduaan dijeléro dapur bari nungguan sangu asak.
Bari ngobrol, si ari ngasur-ngasur suluh kana jéro hawu. Ari si adit nyarandé kana bilik dapur. Leungeuna nyekelan cangkir nu dieusi ci kopi. Dina biwirna napel udud daun kawung. Siga anu keur ngararasakeun kacapé.
Keur aruplek ngawangkong ngaler-ngidul, si ari nanya ka Si adit..
"Adit, cenah bejana baheula kungsi kuliah nya? naha enya éta téh ?”
“Nya puguh wéh atuh ari. Kieu-kieu ogé pendidikan mah ku kami dinomer hijikeun.” Ceuk si adit.
“Kuliah dimana dit, kami mah asa cangcaya adit baheula kungsi kuliah?” ceuk ari bari ngerungkeun tarangna bangun anu teu percaya kana omongan salakina.
“Ari manéh ari, maenya kami ngawadul.” Tembal si adit deui.
“Kuliah dimana dit ? Naha di Unpad, di ITB, di Unikom, atawa dimana?” ceuk si ari keukeuh teu percaya.
“Ah, lain di ITB, lain di Unpad, lain di Unikom. Tapi kami mah baheula kungsi kuliah téh di IDM.” Ceuk si adit.
“IDM? asa karelék ngadengé? Singkatan tina naon éta ari IDM téh dit?” Ceuk si ari bari ngerungkeun deui tarangna. (Bener teu, bener teu, omongan si adit téh, kitu nu aya dina jero haténa Si ari).
“Dasar belegug maneléh mah ari. Euweuh kanyaho pisan jadi lalaki téh. Maenya meni teu nyaho IDM-IDM acan. Yeuh ari ku kami dibejaan. Déngékeun ku manéh, ari IDM téh singkatan tina: Institute Download Manager.” Ceuk si adit.
“Anu belegug mah manéh adit, lain kami. Yeuh ku kami bejaan, déngékeun ku ceuli manéh. Ari IDM téh singkatan tina : Internet Download Maneger, lain Institute Download Manager.” Ceuk si ari kukulutus bari nyingsat -nyingsatkeun biwirna.
“Dasar si gedé Wadul euweuh kanyaho.. !!! ceuk si ari deui.
“Lain internét ari, tapi internit.” Tembal Si Kabayan embung éléh.
“Euwueh gawé, keur nanaonan nga-download internit?” Ceuk si ari.
