Anak Tukang Gorengan Jadi Bidan
7 taun katukang di Purwakarta,aya budak tukang gorengan ngaranna Aisyah Bukhori nyaeta anak ti bapak Somantri sareng ibu Aminah.Pak Somantri sapopoena jadi tukang tani di sawahna , sedengkeun Bu Aminah sapopoena dagang gorengan jeung sayur - sayuran.
Aisyah sakola di SMAN 1 Purwakarta,jarak ti bumina ka sakola lumayan caket jadi Aisyah angkat ka sakola mapah unggal poe.Aisyah biasa ngabantuan indung na ngadamel atawa ngadagangkeun gorengan di payun bumina.Aisyah mangrupakeun budak anu bageur,sahingga sok nurut ka parentah indung jeung bapak na.
Saentos lulus ti SMA Aisyah hoyong ngalajengkeun ka bangku kuliah, Aisyah wawartos ka bapak na "Pak abdi teh hoyong kuliah, kumaha pak sawios teu? ", Saur bapak na "Mangga wae neng ari hoyong kuliah mah,ngan bapak bade ngumpulkeun hela artos kanggo kuliah na,tabungan bapak teu acan cekap upami jang ngabiyayaan kuliah neng mah ". Aisyah ngajawab "Nyaentos atuh pak sawios taun ngkin we teu nanaon da Aisyah teu tiasa kuliah taun ayeuna ge, ayeunamah Aisyah bade milarian heula padamelan weh supados tiasa nambihan tabungan bapak".
Tuluy teu lila saenggeus lulus sakola Aisyah manggih pagawean,gawe na nyaeta jadi pengasuh budak, Aisyah di gawe jadi pengasuh budak kurang leuwih 3 taun,gajih na 400.000 tiap bulan,gajih eta di pake jang ngabiyayaan dahar maneh na unggal poe terus sawarehna di tabungkeun jang kuliah.
Saentos tabunganna cekap Aisyah wawartos ka bapak na "Pak artos kanggo kuliah teh, Alhamdulillah tos cekap, ayeuna ku bapak di widian teu Aisyah bade kuliah? " Bapak na ngajawab bari seuri ka Aisyah " tuh taroskeun ka mamah " teras saur mamah na " heg wae neng ari tos aya artos namah,emang ari neng hoyong jurusan naon? " , Aisyah ngajawab "Neng teh hoyong ka jurusan kebidanan mah,Neng hoyong ngabantosan warga kampung iyeu supados ngkin upami aya nu bade ngalahirkeun teu kedah ka kampung tangga". Saur mamah na " Eleuh meni sae cita - cita neng teh, mudah - mudahan di gampilkeun nya ku gusti Allah," Saur Aisyah sareng bapak na "Aamiin".
Aisyah kuliah di Akademi Kebidanan Bhakti Asih di Purwakarta, saentos nganggeuskeun kuliah na Salami 8 semester, Aisyah jadi sarjana anu kenging nilai anu lumayan ageung,anjeunna kenging seeur penghargaan anu lumayan bergengsi. Indung bapak na bangga ka prestasi - prestasi nu di raih ku Aisyah,ayeuna mah Aisyah tos gaduh klinik bersalin nyalira,jadi indung bapak na teu kedah capek - capek dagang gorengan sareng tani dei.
