ياغلاتك بقلبي يا نصيب الغير

البارت الثاني

يــوم الثلاثــاء:
12 شــــوال...

الساعــــــــــه 6.30 الصباح..

صحى أبو مشعل من بدري عشان يآخذ بنته أحلام للجامعـــــه وهذا أول يوم تداوم فيه وجلس بالدوانيه ينتظرها..

طلعت وتين للحوش وحطت شنطتها عالدرج وعباتها فوقها وجلست وهي ماسكه كوب الشاي بيد وجوالها بيدها الثانيه..

"أبو مشعل وهو طالع من الدوانيه": صباح الخير..

"وقفت وتين وهي مبتسمه": صباح النور كيف حالك عمي..

أبو مشعل: بخير.. أحلام وينهـــــا تأخرت على الجامعه راح الوقت وحنا للحين ما طلعنا من البيت..

وتين: تبدل ملابسها ثواني وتجهز ياعمي..

"أبو مشعل عقد حواجبه وهو يناظر وتين بتفحص وناقد على شكلها..
كانت وتين مجعـــده شعرها اللي واصل لكتوفها ولونها أسود لايق مع بياض بشرتها.. وحاطه مكياج هآدي "ماسكرا وبلاشر و روج زهري"
ولابسه تنوره سوداء ميدي وبلوزه لونها أبيض مقلم بزهري وأكمامها قصيره مره يعني تحت كتوفها بشوي"..

"وتين أنتبهت لنظراته وبسرعه دخلت تهرول لغرفتها.. فتحت الباب بقوه وهي متضايقه": عمي يبيك برااااااااااا..

"أحلام وهي تظفر شعرها": دقيقه بس أزين شعري..

"بلمــت وتين تناظر بشكـــــل أحلام.. كانت لابسه تنوره سوداء وبلوزه سوداء ومظفره شعرها ومو حاطه مكياج أبدآ..
يمكن لأنه أول يوم تداوم فيه للجامعه وماتعرف النظام عدل بس من نظرات الأنتقاد من عمها سعد أكدت لوتين إن هذا النظام عند العم نفسه سواء بجامعه أو غيره..
المكياج ممنوع واللباس ألوان وأشكال محدده و الشعر مايتغير لونه وطوله...!!!

وتين: أفطرتــي؟

"أحلام وهي تلبس عباتها وتلف الطرحه على رأسها": لأ ما أشتهي تو جابت لي الخدامه توست وحليب بس ماأكلت..

وتين: مايصير لازم تآكلين شي قبل ما تداومين لأن يومك الدراسي بيصير ثقيل وراح تتعبين..

أحلام: راح أفطر بالجامعه..

وتين: براحتـــك..

"سكرت وتين الباب وراحت للحوش لقت مشعل لابس ثوب أبيض وشماغ وواقف مع عمها..
شافت مقفاه ورجعت للغرفه وهي تتأفف لقت أحلام قبالها": أحلام جيبي لي شنطتي وعباتي برا لأن الباص ينتظرني وأخوك واقف بالحوش ..

"طلعت أحلام وهي تسلم عليهم..ألتفت مشعل وهو يقول": فيه باص ينتظر عند الباب هرنه مزعج..