ياغلاتك بقلبي يا نصيب الغير

البارت العاشر

يوم الأثنيـــن

14 محـــــــرم

-: كلها كلمه تقولها و تخلص ما صارت ...!!

"أم سطام وهي تصب لصالح شاي لأنها جالسه تفطر معاه بالصاله": لا حول ولا قوة إلا بالله .. أنت وش بلاك مستعجل ما صارلنا 3 أيام من خطبناها لك ,, أركد خلهم يتشاورون و يردون لنا خبر ,, ما راح يطولون أن شاء الله ..

صالح: طيب محنا غريبين أحنا خوالها ..

أم سطام: أصلآ عيب أهل البنت يردون الموافقه بدري كأنهم مو مصدقين خبر .. هذي الأصول انهم يطولون بالرد..

"طًير عيونه صالح": صز ..؟ عيب ..؟

أم سطام: ايه .. اصبر لأخر الأسبوع وأن شاء الله تجيك الموافقه .. والله أختي هنوف تمدحك حيل وتقول ما نلقى أحسن منه لبنتنا ..

"صالح بأرتياح": أجل تطمنت .. يآرب متى ينتهي الأسبوع ..

"وتين وهي تدخل الصاله": صباح الخير ..

"ام سطام وصالح بصوت واحد": صباح النور ..

"جلست وتين وهي تسأل صالح": غريبـــه صاحي بدري .. مـا عندك دوام؟؟

صالح: لو عندي دوام ما قـابلتك .. وبعدين أنتي وش عندك مـأجزه اليوم..؟

وتين: أذاكــــر ..

صالح: قـدييييـمـه الدراســـه .. مدري شلون لك مزاج تذاكرين ..

وتين: أنت ليه تكره الدراسه .. مآخذ موقف منها؟

صالح: موقف؟؟؟ إلا قولي مواقف .. هذا وأنا ماكملت الجامعه أجل لو كملت.. كان ألحين تقولين / صالح رحمة الله عليه ..

"صرخت أمــه": بسم عليك الله .. أنت مهبووووول..؟؟ ليه تفاول عن نفسك .. قـم أذلف لا عادها الله من جلسه معاك أنك تغثني وتزعلني ..

"فز صالح من مكانه وهو يحب على راسها وكاتم الضحكه": أمزح أمزح يالغاليــــه هذي وتين تسولف مو أنا..

وتين: أنا وش دخلني ..

ام سطام: أنتي أفطري وروحي ذاكري بلا كثرة كلام..

"ناظرت وتين بصالح وهي معصبه و تأشر له بيدها": هيــن أوريك ..

"رن جرس الشارع و قـام صالح يفتح الباب لقى ام الذيب .. رحب فيها ودخلت وباين عليها الضعف.. جاب الحصير وحط المركآ وهو يستأذنها"

صالح: بعد اذنك خاله أنادي أمي..

"ثواني وجت أم سطام ومعها وتين وأنصدموا من شكل أم الذيب وهي جالسه على الحصير وحاطه أيدينها على رأسها"..

وتين: كيف حالك خاله ..؟

"أم الذيب بحسره": أقول بخير وأنا مـا شفت الخير!!