ياغلاتك بقلبي يا نصيب الغير

البارت الثاني عشر

يـــوم الثـلاثـــاء

6 صـفــــر

بعد مرور ثلاث أيام على وفاة أم الذيــــــب..

الكل يترحم عليها و يدعي لها بالمغفـره و يحاول يتأقلم مع حيــاته بدون وجودهـا ..!!

"سطام وهو يجلس مع أبوه و صالح بالـدوانيه": من شوي قـابلت خلف و قال أن وفـاة أم الذيب طبيعيه لأنها بسبـَـة سكته قلبيه ومـا فيه أي أثـر ضرب ولا جروح بـجسمها ..
معناته هي داخله البيت بنفسها محد .......

"قـاطعه صالح بـ قهر": ولـدها اللي أخـذها داخل هي مستحيل تدخل بـنـفسها ..

أبو سطام: أستغـفـر الله مـا نبي نظـلم ولدها لأنه أصلآ مـا يدري عنها ولا قـد زارها و سأل عنهـا ..

صالح: بـس تراه كان يجي و يهـددها أنه يذبحهـا بسبب فـلوسها و حلالها و أكبر دليل إنها تنـام عندنا بالأيـام الأخيره و أنت أدرى و تعرف قصـَـتها ..

سطام: طيب وش الـدليل اللي عندك بـ أن ولـدها يهدَدها ؟ الشرطـه و المباحث مـا يتعاملون إلا بـ أدلـَه و براهين على ورق يعني الحكي مـا يقنعهم .. على العموم هـُم أكيد بـ يحقـَـقون مع ولدهـا و قرايبهـا ..

أبو سطام: أخـوك صادق .. و بعدين لا تتـدخـَل عشان مـا يسحبونك للسجن و يتهمونك بـ وفـاتها ..

صالح: هي مـا توفـَت إلا بالـفتره اللي كانت تهرب من بيتها و تنـام عندنا ..

أبو سطام: أستغفر ربــَك .. الموت مـا يعرف لاسـاعه ولا فتره .. أنت وش بلاك تحوس بالحكي خلاص الحرمه مـاتت و سرَها معها محد يعرفـه..

"أنـقهر صالح ودَه يـآخذ لها حقـَها بس مـو عارف كيف .. رد بـ تـأكيد": أن أخذ ولـدها كل حلالها معناته هـو السبب!

"قـام صالح و طـلع من الدوانيه وهو معصـَب .. ألتفت أبو سطام على سطـام": يـا ولدي رح أجلـس تفاهم معه خلـَه يتعوذ من الشيطان و ينسى أم الـذيب و ولـدها مـا نبي مشاكل..
أنت أخوه الكبير و يسمـع منك و أنا يـابوك مابي أكلـمه أخاف يزعل ..

سطام: أبشـر يبه .. بـس ترى مسألة وقـت و ينسى لأنه متعـوَد عليها و على وجودها و صعب يتقبـَل وفاتها بـ هالسهـوله..

أبو سطام: ليته ينسى .. والله مـدري متى يتسنـَع هـالولد كل طـاري يطري عليه ومـا يترك أحد بـحاله..

سطام: يتغير مـا عليك منه .. ومـا راح يسوَي شي من اللي بـ بالك لأنه صار يحكـَم تصرفـاته بعقله..
تـذكر يوم هوشته مع الشباب اللي بالأجازه؟ مـن يومها سمع نصايحك ومـا عاد يسوي مشاكل مع غيره..

أبو سطام: ياليته بس يهتم بعرسه ولا يشـْـقى بـأحد ..

"سطام وهو يوقف": أنـا طالع أرتاح بـغرفتي .. أحس من رجعت أمـس من السفر مـا ذقت الراحه ..