720 𝙊'𝘊𝘭𝘰𝘤𝘬 //⇝(𝑩𝑻𝑺)⇜ ✔︎

Part:- 2

《مردووە زیندوەکان》

ھەمیشە سپاسی ھەموو کەسێک بکە ئەگەر تەنانەت بۆ ڕێگای مەرگیشت بەرن..
چونکە ھەتا کۆتای ڕێگاکە لەگەڵت ئەبێت..

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

یۆلاندا نوسابوو بە پیاوەکەوە..
لە ترسا ھەڵەلەرزی..

لە ناخی خۆیا بیریەکردەوە..
"بۆچی یارمەتیم ئەیات؟!
بۆچی ڕزگاری کردم؟!
لەوانەبێت بیەوێت دواتر وەک تەڵەیەک بەکارم
بھێنێت "

کەسەکە ھەستی بە ترسەکەی یۆلاندا کرد..
"زۆر لێرە نامێنینەوە، لەو دەرگایەوە ئەڕۆینە
دەرەوە.."

پێکەوە بەخێرای و ھێمنی ڕایان کرد بێ ئەوەی کۆمەڵێک لەو بونەوەرانە ئاگادار بن..
ڕایان کرد تا گەشتنە جێگەیەکی پارێزرا و دوور..

یۆلاندا نەیتوانی بەردەوام بێت لە ڕاکردن و وردە
وردە خێرای کەم بۆوە و لە زەویەکە کەوت..

"ھێی!! کچەکە ھێی.. ھەڵسەوە..
ھێی ھێی ھەڵسەوە.. "

پلەی گەرمی یۆلاندای پێوا گەرمبوو بۆیە ھەڵی
گرت..

یۆلاندا لەناو دەستەکانی ئەو پیاوە جارە جارە چاوی ئەکردەوە و دایئەخست..
ناوچەکانی بە شێوەیەکی تەماوی ئەبینی..

لەکۆتاییا خۆی یایە دەستی ماندوێتی و چاوی داخست..

دوای ماوەیەک بەھۆش خۆی ھاتەوە..
لە ژوورێک بوو، ژنێک لەبەردەمیا دانیشتبوو..
"بەخێربێیت بۆ گروپەکەمان.. "

یۆلاندا ھەوڵی یا دابنیشێت..
حاڵی تەواو تێک چووە، نازانێت چی بەسەر ھاتووە..
چی بەسەر دایک و براکەی و دەستگیرانەکەی ھاتووە..

"چی ڕوویاوە؟ بۆچی دونیا وای لێ ھاتووە؟!"

ژنەکە:"لەکوێ بوویت؟ سەیری ھەواڵەکانت
نەکردوە؟"

یۆلاندا:"ئەمڕۆ بەھۆش خۆم ھاتوومەتەوە، کۆتا شت کە بیرمە پێکدادانی ئۆتۆمبێلەکانە.. "

ژنەکە:"ڤایرۆسێک لەنێوان مرۆڤەکانا بڵاوبۆتەوە بەھۆی تاقیکردنەوەیەکی خوێندکاری کۆلێژی
پزیشکی.. "

یۆلاندا:"ئەو ڤایرۆسەکەی دروست کردووە؟!"

ژنەکە:"نەخێر، ئەو یەکەم توش بوو دواتر بڵاو
بۆتەوە بۆ چەندین کەسی تر و دونیا ئاوھای لێھات.. "

یۆلاندا:"ئەمەوێت پیوەندی بە دایکمەوە بکەم،
ئەمەوێت بزانم حاڵی دایکم و براکەم و
دەستگیرانەکەم چۆنە.."

ژنەکە:"ھێڵێ پەیوەندیەکان لە مانگی مایزەوە
بچڕاون بەھۆی 'زۆمبیەکان'ەوە.. "

یۆلاندا:"ز.. زۆمبی؟!!"