قصه جديده بعنوان فصليه دخلت في عرين الشيخ
.........
كاعده وطاكه روحي منا حالته ومنا اخويه الي يوميه يسحلو للسجن: والله تعبت رفعت راسي اجتي قطره من المطر على خشمي فتحت عيوني واني اشوف السكف مفتوح شويه كل بيتنه هيج كله مفطر وكله يطب منه المطر طلعت بره بلممشه جاي تمطر حيل ودنيه بارده احس روحي ثلجت يكلون الي توكف جوا المطر وتتمنى تتحقق الامنيه وكفت جوا المطر وتمنيت كلشي يتعدل
فتحت عيوني على شعري لصار على عيوني بسبب المي طبيت جوه احس كلشي وكف ضدي من شفت ابويه يبجي على السجاده احس الدنيا ..
. وكفت بوجهي وكفختني واني؟ اسمع شهكات أبويه ورافع ايدي يدعي ربي
ضليت صافنه علي مسح وجه بثنين ادي . وسجد هاي سجدته بيها الف دعوه ودعوه كعدت بمكاني وهو يصلي
. هاذا أبويه حاله حال ضعيف حيل ونضره ضعيف .
بي قلب ساعه يوكع علينه ونضل حايرين شلون نجيب فلوس الدكتور لو المستشفى مرات اكول هنيال لعايشين براحه وامي المريضه هم بيه قلب وكلبه ضعيف كلش اختي الصغيره غمضت عيوني ورحت الغرفه دحست نفسي بريان حتى ادفي نفسي ؟ صحيت على امي وهيه تكلي ديم يمه كومي يبعد امج كمت غسلت وجهي وطلعت من الغرفه شلت الوصله أشده على خشمي من احلب الهايشه وطيه علفه حتى محد يشوفني لفيت الوصله تصير بيضه:
فتحت الباب وكمت امشي .
اتلكتني غزل ؟ لحضه هاي شبيها تركض
غزل:ها ولج
شلونج شخبارج
ديم : خيرج ولج
ما تجين لا تسئلين
غزل : ولج اني اجي وسئل عليج
ديم. اي تلكيني جاي اوكلج وخري من جدامي
. حماره
غزل : اي والله ضوجه عمتي للبيت
ديم : اي بلبيت جاعده تكرب بهل مي
غزل . والله عاد أنه طكت روحي
.. شفتي سويره؟
ديم : ما علينه بل مكموعات
. سكتي
غزل . اجعدي حليبيها وأنه اسلم على عمتي وجيج بسرعه .
.. راحت بت عمي العود ههه هههه نفسي ونفس حالتنه ؟ أتمنه لو عدنه بيت ندفه بي
لو عدنه غرف دافيات وما يدخل الهن المطر
لو يكون عدنه ملابس حلوه مثل البنات
... جريت حسره شكبرها طلعتها من روحي وكلبي
كعدت احلب الهايشه واني ميته برد "
عضامي توجعني من البرد وهم من الملابس ملابسي لا هيه شتويه ولا هيه صيفيه هه عدلت الشال ولوصله
شديته اقوه لان راح توكع ومنا زلم كبار فلاليح
!!رفعت راسي وشفت فيصل اي هاذا فيصلل ؟
كمت يمه وهو وبويه راحة للبيت رجعت شلت الطاسه مال الحليب وكمت وراهم اطيت الحليبات لمي لكيت غزل رايحه هاي مو كالت امرلج شكد ثوله سمعت أبويه يصيح على فيصل
.. يعني شلون يا بويه يا وليدي ما تكلي شلون؟
إنه رجال شكبرني يبوي لشوكت أنته هيج تضل؟
لشوكت تحس بلمسوليه بويه كافي أنه ما تحمل بعد
يعني أنته اتضل من سجن لسجن أنه شلون غير أنته من بعدي غير أنته الزلمه لهلبيت
.. يوليدي الدنيه دواره يجيك يوم وتتندم والله تتندم
فيصل : خلصت بويه
. خوش أنه رايح أناملي شويه ليكعدني ارج البيت فوك رأسه
.. راح فيصل وكل عاده أبويه كعد بلكاع منزل رأسه .
رحت كعدت يمه وبست أيده
ديم : يأبه ليش اتعب روحك ها؟
انته تدري هو مراح ينعدل شكو اتعب روحك هو وحده بتندم وينعدل
ابو فيصل. يبوي شوكت ينعدل؟
من الله ياخذ أمانته
ام فيصل . اسم الله يبو فيصل
لا تجلم هيج جن توجع كلبي
