لم تَكن صِدفه حين عُثرت عليِك...
كنت مَرسوما على حِدود ايامي
كنت شيئا انتظَره وينتظُرني
ولم يكن لقائنه إلا بدايه حكايه صاغها القدر بأتقان.
......
نار الحب تبدأ من تكريت وتنتهي بالنجف لأشرف
هل يقعون في العشق ...؟؟؟
هل تعشق ابنت العمام
وابن العامه...
رواية : - وهل لنا في الحلال ميعاد ( انتفاضة العشق) رحيل القوافي ...... المشهد ..... Ghadeer-1997 " ربما تقودك الصدف لم تكن لتبالي بها الى واقع لمن تكن لتفكر به "
.........
..صدك لو كالو الدنيا اشكال والوان اني جنت محصوره بقوقعه وماعرف اطلع منها
يجوز المحيط الي عايشه بي يختلف عن هنا ماعرف بس احس بروحي راح اتندم لان اجيت هناا
دخلت بيناتهم واني كلبي بيدي وخصوصا بعد ما هاي البنيه خبثت ويايه وطشت الخبر اني شيعيه ومن النجف.
الكل صار يباوعلي بنظرات غريبه....
هذاك اليوم اول محاضره النا دخل المدرس علينه سلم وبعدها صار يسولف ويسئل انتم منين
ومن هاي السوالف اني ماسئلني لان يعرفني بس سئل سؤال واني جاوبته وبعدها راد يتأكد
كمت وكتله .... والامام علي ستاذ جوابي صحيح كفيلك العباس.
اني هذا الحلفان متعود عليه الساني وماعرف غيره المدرس شكد حاول ايغطي عليه بس ماكدر
وصار الهمس بظهري جان اكو شيعه بس قليلين مو بكدهم
مرت على هذاك اليوم هواي ايام بس محد يتقربلي ومحد يحجي ويايه كلمه والكل ايحبني. ماعدا هاي الي دوم توكعني بمشاكل.
جنت امشي و طبكت عليه سياره نزلو منها شباب اكو واحد بيهم عرفته ويايه بنفس القسم والباقين لا ماعرفتهم.
واحد منهم كال ... تعاي ياحمره اصعدي ويانه نتونس شويه رديت عليه والساني يرجف ... لا شكرا خويه اني اريد ارجع للسكن رد عليه بضحكه خبيثه .... لا صدك جذب احنه بالخدمه تعاي نوصلج
هزيت راسي واني اتلفت منا ومنا اريد احد ايساعدني بس ماكو رديت عليه ... بستر اهلك خويه خليني اروح
ماعرف شلون بس واحد بيهم حضن خصري من ورا واني كمت مثل المطي ازاكط وانطح.
واصرخ دخيلك ياعلي ودخيلك ياعلي هذا الحاضني من ورا قرب راسه يمي وكال اليوم هذا صريخج اخلي ايهز الدنيا كلها.
اني استحرم هذا لزمني هس ادخل النار الولد الي ويايه بالقسم ماقبل وكال .... عوفوها احنه كلنه انخوفها وبس رد عليه الثاني ... انجب انت اني عبالي بشعه طلعت صاروخ اول مره اشوف وحده عيونها حمر.
كمت ابجي أستنجد بربي يخلصني جاي افوتوني بالسياره سمعت صوت رمي انداريت وهاي اول مره افرح بشوفته
توسلت بي بعيوني بلكت يستخطيني ويخلصني منهم لان ادري بي هاي لايام صاير حيل يكرهني ويموت مني ودوم عرك اني ويا وبكل مره ايشوفني لازم ايغثني.
حتى بالجامعه يتقصد من يشوفني صافنه ايكومني بس علمود يفشلني
اتقدم واحد منهم و همس للبصفه كال .. افلت هذا اهله كلهم ضباط بالجيش القديم اذا لزمنه يمحينه مو على وجهه الكره الارضيه. وفوك كل هذا هو نقيب.
هذولي سمعو دفعوني حيل ونهزمو هو رمئ على السياره مالتهم خلاهم مايندلون دربهم
وبعدها انضربو بالحايط اجه يمي وكال ....
:: هذا مشهد من الروايه اتمنئ يعجبكم .... لاتنسون التصويت.
....لقد يجتمعان البحران المالح والعذب .... ولكن هل ممكن ان يجتمع قلبان ممكن ان يقع في حب معشوقه اخره بعد ان احترق قلبه بنار الشوف بعد ان تيتم قلبه بحب مذبوحه. هل تعشق بمن أمتلئت يده بدم اهلها.
ولكن للحب رئي اخر ....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
