15 කොටස ( අවසාන කොටස)
ඒත් එකපාරටම චරස් ගාලා සද්දයක් එක්ක හන් ටේ පන නැතුව වගේ මගේ ඇගට බර උනාම තමයි මම ඇස් ඇරියේ..
හන් ටේගේ බෙල්ලෙන් ලේ බේරෙනවා.. ලේ පිරුනු නියපොතු එක්ක හන් ටේගේ පිටිපස්සෙන් හිටියේ එයත් එක්ක රූම් එකේ ඉදලා එලියට ආපු කොල්ලා.. මන් තුශ්නිම්බූත වෙලා බලාගෙන ඉදිද්දී කීපදෙනෙක් පැනලා එයාවයි හන් ටේ වයි අල්ලගත්තා.. හන් ටේ නම් මැරිලා වගෙයි මට හිතුනේ..
අර කොල්ලා ගොරව ගොරව ඇස් වලින් කදුලු බේරි බේරි කෑ ගහන්න ගත්තා..-" හන් ටේ මමයි ඔයාගේ මේට්.. මාව ඉදිද්දී තමුන් කොහොමද වෙන කෙල්ලෙක් මාක් කරන්න හැදුවේ.. "
කෑ ගහ ගහ අඩ අඩ ඒ කොල්ලා මගේ පැත්තටත් නියපොතු දික් කරන් පනින්න හැදුවට කට්ටිය එයාව අල්ලගෙන හිටියා.. මට ඒ වෙලාවේ පැනලා දුවන්න ඕන තරම් ඉඩ තිබුනත් කොල්ලෙක්ගේ මේට් කෙනෙක් කොල්ලෙක්ම වෙනවද ගගා මම එතනට වෙලා කල්පනා කර කර හිටියා.. වෙලාවට යකෝ මගේ මේට් කෙල්ලෙක් නොවුනේ.. මන් ගල් ගැහිලා බලාගෙන කල්පනා කලා..
ඔය අතරේ තරහිනුයි සිද්ද වෙච්ච දේ හිතාගන්න බැරුවයි කෑ ගහ ගහ හිටපු බ්ලැකීලගේ ඇල්ෆා එයාගේ නියපොතු එලියට අරන් එක පාරට අර කොල්ලගේ බෙල්ලට ඇනලා මැරුවා.. ඊට පස්සේ ඒ ලේ බේරෙන නියපොතු දික් කරගෙන ටික ටික මගේ පැත්තට එන්න ගත්තා.. මන් හිමීට අඩි දෙක තුනක් පස්සට ගියා..
එක පාරට මගේ උරහිස උඩින් පියාඹලා ආපු මොකක් හරි ඇල්ෆාව පෙරලගෙන බිමට පැන්නා.. සිල්වර් පාට වෘකයෙක්... ඒත් එක්කම තව පාට පාට වෘකයෝ රැලක්ම එතනට කඩා වැටුනා..
මම වටපිට බලනකොට අනිත් බ්ලැක් වුල්ෆ්ලා සේරම වෘකයෝ බවට හැරුනා.. එතනට තනිකර වටේම වෘකයෝ.. චිමීයි බ්ලැක් ඇල්ෆායි දෙන්නම පොර කනවා අනිත් අයත් එහෙමයි.. ගොඩක් අය ගෙයින් එලියට පැන්නා.. මොකද මේක ඇතුලේ හැරෙන්න වත් ඉඩක් නැතුවයි තිබුනේ..
එක බ්ලැක් වුල්ෆ් කෙනෙක් ගොරව ගොරව මගේ දිහාට එන්න ගත්තා.. මන් අඩියක් පස්සට ගන්නකොටම යුන්ගි ඔප්පගේ වෘකයා ඒ බ්ලැක් වෘකයාගේ ඇගට පැනලා බෙල්ලෙ හැපුවා..මාත් වෘකයෙක් වෙන්න හිතාගෙන මුද්ද ගැලෙව්වා විතරයි මම දැක්කා බ්ලැක් ඇල්ෆා චිමීව කටින් උස්සලා ඈතට විසිකරනවා.. චිමී විසි වෙලා ගිහින් බිත්තියක වැදිලා කෙදිරි ගාගෙන බිමට වැටුනා.. චිමීව විසික්කරපු ඇල්ෆා මගේ පැත්ත හැරිල එක පාරටම මගේ ඇගට පැනලා මගේ බඩෙන් අල්ලලා මාව විසිවෙලා දැම්මා.. දත් බඩ ඇතුලට කාවදින වේදනාවත් එක්කම මාව විසිවෙලා බිත්තියක මගේ ඔලුව වැදිලා බිත්තිය දිගේම රූටලා මාව බිම වැටුනා.. මට තේරුනා මගේ ඔලුව තුවාල උනා කියලා.. මගේ කටිනුයි කන් වලිනුයි ලේ එන්න ගත්තා..