شمسي الكوفية(ازمة نسب)

البارت الخامس عشر

ماميت كبل بس شايف التابوت
لان كل ماانام اتحلم بنعشي
انه مبلل دموعي بدمعه المعتاز
انه دموع الفرح ماوصلت لرمشي
وكت الخير عشته وماشفت بي خير
صاحولي ملك بس ماشفت عرشي
عندي عيون بس محسوب على العميان
انه مفتح ولكم ماشفت كلشي
احلم بالفرح وأترس الضلمه احجار
ظل هواي ليش تكول ماظل شي 😦🖤

مساء العافيه لعكال كلبي المنتظرين 🦋❤
تابعوا حسابي ليصلكم كل جديد وتنويهات انزلها ع المنصه
حسابي samah_96ss

من درت وجهي وشفت مجيد وين الاشر عليهه اختي صدمه رعبتني من قتربت بوجه مبتسم بس شكلهه صدمني جانت بكعه(بهاق) بعدني مصدومه منها ماوصلتني فززني صوت وحدة كالت

اذا انتي بنيه تعاي وراي اتكشف عليج ونتوكد منج.....

صحت بيهه هاي شتحجي
شمس: وربي اطلع غضب البارحه واليوم بيج ولي عن وجهي

حجت: انه شعليه تصايحين صوتج نصي همه كالولي...

صاح بيهه مجيد: عهود مو هسه وكت تلاسنين منو كالج اريد اروحله

بلعت ريكها : عمه كالتلي عمه حمدة

اجتي هاي الاسمهه اختي حظنتني بتردد واني مفوله من هاي الكلبه نوب تتكشف علي والله لو يهدوني عليها مرعدهه بسنوني واطلع حركه كلبي بيهه ..

احلام بترحيب : نورتي خيتي ممصدكه والله من كالولي اليوم خههههه ورة هالعمر يطلعلي اخت

شمس بدون ماابادل اي شي يكول صنم حجيت
شمس:انه هم ممصدكه مثلكم

اجتي وحدة ملكوفه لعدت احلام باستني بترحيب وطلعتت لفونهه قربت صماخههمن وجهي رجعت تباوع يمنه يسرة

شمس:شدتسووين

ضحكت:ههه اصورك اصورج اغور البنات بهذا شكلج يخبل

احلام:ذكريات مو وكتج اذا شافوج هسه

صورت صورتين مرة صماخهه ويا صماخي ومرة نزلت شوي من جسمها وخلت ايدي فوك كتوفها ثنينهن وصورت ليشوف الصورة يكول خطيبها زوجها ..

طه:خباااال اي والله اكثر من اللي انتي بي

ذكريات:طوووط معليك لو هسه اله تسوي سالفه

طه: عليش كاضبه(لازمه) البنيه وتمطكين(تبوسين) بيهه وتصورين

احلام: شمس مو اسمج شمس لو اناديج امنيه

الحلو بيهه تحجي ببتسامه برغم وجهه مبكع بي بكع بكل وجهه خطيه والله كسرت خاطري

شمس:نادوني شمس احب هذا اسمي

ذكريات:والله بهذا لبسج اريد اخذ صور نوبه

احلام:كافي خلوهه تغير ملابسهه خطيه تعبانه متشوفوهه