حتى عندما يعود المرء سالماً
من الاشياء التي تؤذيه
اعلم جيدا انه لا يعود كما كان ...
متابعه لحسابي 👈 @sama
مساء العافيه بكد شوك مجيد لشمس
حلومه:
دكتور: بسبب طسات طريق لعمليه نفتحت وهيه متدري عدهه نزف ونزف داخلي حيل وها نزف سببلها جرثومه حاولنه نسيطر عليهه بس مافاد اله هسه عل مسؤليتك توقع نشيل لرحم لان شاكين اكو خلايا سرطانيه اذا بقى....
هوة يحجي اني نهبطت خطيه من شفت ابنها وبنتها كلبي وجعني عليها ولحد هسه نوب طفلها صغير ويرضع دعيت بكلبي وخاصه محد وياها بس مجيد وحاير بين صوبين هي منا وشمس منا ونوب ابو توفه دعيت بكلبي يارب تشافيها وترجع صحتها علمود اطفالها وتكومها بسلامه مدري ليش وبرغم ماشايفتها لزوجه مجيد بس حسيتها تشبه حياتي اني وشمس بهيج حاله وما يمها احد ولو اني ماعرف امها وابوها عايشين لو لا ...
وقع مجيد وهوة يدعي انها تكوم بسلامه حتى ايدة ترجف وبقينه كاعدين عل نار مجيد يروح ويجي شوي والممرضه اجتي كالت طفل يبجي ونريدله ملابس لان ملابسه الجبتو بيها توسخت عاد فرك مجيد راسه وكالي ابقي هنا جاي ماطول ..هوة راح يشتري ملابس للطفل لان جايب ملابسهم بجنطه بقت بالبيت مال ابويه صاحب الله يرحمه ..
خابرني طه وكتله سالفه خطيه هوة هم حار يجي يمي ويبقى ويا مجيد ومرته لو يروح يم شمس صح خوالها موجودين واني نجبرت اعوفها بس مطمنه خالتها سبعه وتساعدها عاد كلت ل طه لا تجي مجيد اذا شافك تصير لغوة وتتطابشون هوة كال راح اروح يم شمس هم خطيه وحدهي وشنو ذنبها بالصار ومن الصبح يرجع يوكف بالفاتحه ...سديته ادعي من كل كلبي ثلث ساعه واجه مجيد جايب حليب قواطي ومميه وحفاظات درزن وملابس صغار نطاهن للمرضه ونطاهه فلوس وصاها بالطفل راحت هي وهوة اجه كعد شفته متوتر ومخبوص خطيه الله يعينه ابو ليوم شيعه للكبر وعسه مرته بين الحيا والموت شضامتلك نوب دنيا يا ابن عمي!!؟
قتربت اواسي: مجيد ياخويه كول يالله وادعي بكلب صافي وربك مايخيب دعوة احد
رفع ايدة بقهر وحيله مهدود: يارب من واحد تيتم ليوم وكلبه محروك ومتكلوط (مقهور) بدنيته وضيمه اشفي عبير وكومهه بسلامه علمود جهالهه يارب من يتسم محروك كلبه
والله قهرني هوة يدعي واني ادعي ةرة ساعه طلع دكتور وطمنه كلشي تمام وشر زال وعبير صارت زينه بس للاسف شالو الرحم !!!
كلش نقهرت عليهه والله خطيه مجيد نقهر حيل بس بسرعه كال
مجيد: الحمدلله يارب الك الحمد والشكر ماخيبت ظني ونجيتهه يارب احمدك واشكرك ...
من فرحته باس دكتور فرحان صح مبين مقهور بس فرح زوجته بعدهي عايشه ششوي وطلعوها لغير غرفه وداروخا واهتمو بيهه وهي مبنجه كامت تخربط وتلوص اني ملشي مامفتهمه منها ومجيد مرة يسد حلكهه مرة يضحك ويكولي صوريهه وصورتهه فيديو بس جابت طاري شمس بخربطتهه ....
أنت تقرأ
شمسي الكوفية(ازمة نسب)
Pertualanganتم تغيير اسم القصه من شمسي الذهبيه الى شمسي الكوفية من لم يطرقُ بابنا والروح ترتجف،لا مرحباً بهِ والنبض منتظم.. قصه جديدة عاطفيه_اجتماعيه بنت تتحدى الصعاب في سبيل العيش بكرامه .. قاومي لا تسمحي للاشياء بأن تسحقكِ ! كوني امرأه وضعت حدودا للتعامل مع...
