شمسي الكوفية(ازمة نسب)

البارت الرابع والثلاثون

مـℳثـل بااب إٱﻟﻟـِْﷻـِْﮭﮧ  جرحي
بكل وكت مفتــــوح  🖤🖇️

شمس

مجيد: يولي انعل ابو ساعه الكشرة اللي لفتج عل روسنه وربي لاربيج هسه عل ايدي لا بحال عم ولا زوج..ورجع سطرهه براجدي خله عمه صبريه وغسق لازماته كوة وحلومه سحبت عبير اني بقيت واكفه بمكاني احس مو بس تستاهل لا احس ماشفى ناري شو هاي ياهو الحاجاها ضربنه ونوب منا كلبي ملجوم بسالفه حمل احلام!!
يعني صدك اتمنى الاني بي احلام مو واقع مر وعلقم داعيشه

رباح طلع يهدي بمجيد والولد عثمان طالع لو يم ذياب بكراج عمي صاحب الله يرحمه لو عندة تصحيح ويصحح ويا صديقه مرات بالكراج وطه هذا بالمختبر لو ابيت عمي سرحان لان طلعت اربعين عمي احس شو حتى الحزن راح لو اني ملبي مات وماحس باي بوادر الحزن برغم لابسه اسود!!
بس يمكن مثل مايكون الحزن بالكلبمو بالالوان واني كلبي مات كلبي جان يحب الحياه ماحب زلمه لا بس حب الحياه وملت بمشاعري لابراهيم بس طلع نتيجه سحر اني صح معجبه بي بس بعد مايفيد الحجي راح وعافمي سواء حبيته من صدك لو عن طريق سحر ماىيد ادوخ نفسي لان اني اللي داتعذب ..

عهود فاتت للغرفه تدردم وتتحلف ومجيد كعد متكدر خاطرة جابت غسق مي اله شربه وطلعت سالفه بين جهال وعهود الفازعه لجهالها وختى لو طفل ماتجاوز عل غيرة ابد مو اصوليه وراهه معد يحجي شصار وياي حيى ويحيى خرطله كلشي ..نتر مجيد بعبير

مجيد: انتي موو كافي فهاوة ترة صرتي جنه بهذا البيت اللي الهن الج وهذا ابني من صلبي بحظنج بعد شكو اللي يعيل عليج لا تسكتيله فههمتي بذات هاي المسمومه والله لاعلمهه بس يجي عثمان اشوفه يرضى باخلاق مرته العار

رباح حسيته يريد يغير لموضوع: اي شبيهه حلومه شنو علتهه

حلومه واني تلاقت عيونا مرتبكات عل خوف وتوتر ولحظات تكطع ابو النفس جان يكول

مجيد: وهاي قانيه فاهيه بقاطات عدها حصو وكلبتتهه تخاف من جكه الابرة

عمه صبريه: يمه مو كتلج اني

مجيد: يمه اعذرينه مندري صايرة دكتورة ورة ابويه الله يرحمه

عمه صبريه ختنكت ورجعت كالت: انزول عليك يمه هاي مبينه تتلوة من وجعها شوف يمه دام عدهه حصو وهالشي راح يأذيهه اني جان عندي هيج وما فاد بي لا علاج ولا شي من بعد الله علاج هذا طب عرب جان ابويه يسوي اليه ولكل واحد مصاب وعلته حصو بمرارة بصفاحه(الكلى) تجيب بطل سفن (سفن او ارسي تفاح) وتقسمه قسمين ابطلين وتخلي عصرة ليمون فوك كل فسم وتخضه(ترجه) حيل وتشرب منه عالكومه والكعدة وهيه تفتت الحصو وتنزل بدون علاج وتعب

رباح: هاي سهله حلومه شبيج مصفرة مومي مددي ارتاحي

حلومه باوعتلي اشرت بعيوني الهه اصعدي ارتاحي وغسق خطيه خلت بناتهه يمنه وراحت تشتغل بلمطبخ كامت تجهز العشا لان طلعنه العصر وهسه وكت غروب عبير تريد تسبح وتسبح بنتها خلت يمي رعد بحظني واني سحبت يحيى وبنات غسق كعدتهم يمي بديوانيه همه يلعبون ورهف بنت غسق الصغيرة كاعدة يمي تمسح براس رعد الصغير وبالي بمصيبه حلومه شراح اسوي ياربي منيلي هاي المصيبه احس مخنوكه بودي انفجر بجي وصياح تعبانه حيل ودنيتي دتعذبني هاي سنه كرهتا كرة العمى وين الغالي راح من عندي جريت حسرة فزيت