شمسي الكوفية(ازمة نسب)

البارت الرابع والاربعون

أحبيني بلا عُقدٍ
و ضيعي في خطوطِ يدي
أحبيني لأسبوعٍ ، لأيام ، لساعات
فلستُ أنا الذي يهتم بالأبدٍ..

شمس:
ورة مارجع طه يومين وخابرتني خاله سراب تعاي بعد يومين عرسي وكالتلي خالو نشأت ليوم يرجع من دوامه هوة بالحشد يدوام وطبعا الحشد لحد هسه ماعدهم رواتب لان بداية تطوعهم ...فرحت كلت لعثمان وعمه صبرية كالو روحي وعمه صبريه رجلها توجعها فعتذرت متكدر تروح لعرس سراب كتلها عادي ورة ساعه ٢ار ظهر لتمينه ع غدة تغدينه ومجيد حار شيسوي من عرف راح اروح لخوالي

مجيد: ادىي شعندج قبل لعرس تروحين روحي بيوم لحنه العصريه

شمس: هاي شنو وين لاكيهه غير خالتي اوكفلها مثل ما وكفتلي بازماتي

مجيد: يعني شأكولج اكلج من ما المح طولج لو ماكو فراكج ياخذ مني كرفة عافية

شمس: اووي شهالحب هذا ..حجيت غمضت عيوني وفتحتها شداحجي اني بس لساني هوة يحجي

بتسم وقترب مني جنت واكفه ع سنك اغسل كلاصات جاي متجهزة بس انتظر جيه خالي نشات ..

مجيد: اليسميج عكال كلبي تعرفين شنهوة معناتهه ..هزيت راسي لا ..يعني لعكال اله هيبه ينحط فوك راس انتي هيبتي انتي اول واخر حب يمر عل كلبي انتي اللي خذتي من حيلي وعافيتي من عفتج ورجعت شفت نفورج مني اله شويه وردت اتخبل لو احجيلج شضام بكلبي متصدكين

شمس: مصدكه اني هم احبك!

فتح عيونه ممصدك بسرعه اقترب حظني ويدندن واني فرحانه متختخه علي كال

مجيد: وال احبك جلمه سامعهه من شكثر من غير ناس بس اريد اسمعهه منك يله فنك

شمس: مو كلتهه

مجيد: وربي ممصدك انتي دتحجين وياي ومتجاوبه وياي انتي جنتي امنيه بعيدة وحسيت صعب احققهه

شمس: اي اني امنيه رياض

ضحك: هههه امنيه لكلبي وتحققت وشمس لينور دنيتي بهاي سوالف اخرب عل ربج رب لحلو عمي شلون ينتج انتاج يشعل سلفه سلفانه

برغم يصيرلي خجل بس بسيط لان كلش متعلقه بي لدرجه كمت وين مااشوفه بس ابتسم ومرات انسى نفسي من الكاه كاعد اروح اكعد بصفه ناسيه اخوانه ناسيه نفسي الاعرفه تولعت بي كلش كلش وحتى من رحت لخالتي سراب بالي يمه وكل شوي اخابرة لو يخابرني برغم هيج اني عندي ضعف تجاه مجيد وصرت اشوفه بنظرة عاشكه عشك مجانيين بس تصرفاتي مقبوله ويا لبتقيين يعني ممتجاوزة بتصرف لو بكلمه ويا اخوان مجيد او جناين عمه صبريه وصار عالمي ربيع متعلق بيه ومجيد مدري هوة لمتعلق لو اني رحت لعرس سراب وشفت الفرحه بعيونها تكول سويتي التبياته اني من سويتها ووافقت بصهيب كلشي تغير صرت اشوف دنيا بمبي عل كوله سعاد حسني...

هنا اريد استوعب او اصلي استخترة او اقرا ايات التبياته ماكو قفلت اوافق بمجيد بدون هاي سوالف اني احبه وهوة يحبني عليش بعد نسمع لحجي الناس ..