لو بيدي الم خطواتج من الكاع
ما خليلهن عنوان
كون إتيه وانه الكاج
اضمج ضمه المكتوب
بيد حديثه عدها اخوان
متابعه لحسابي 👈samah_96ss
مساء التوكل عَلى مَن لا يُخيْب الرَجآء به ربي إجعَل حيَآاتِي و حيَآة من أحب نُور على نُور مساء الورد🌸
اعذروني اذا اتاخر ويصير اذا مو بين يوم ويوم اذا اضطريت يتحول ع يوم غيرة لان كلش مضغوطه بالامتحان+اذا مطلعين ع قرارات التعليم ابد ماجتي بصالحنه يعني تضررنه كلش 🥺☹التمسولي عذر اذا طولت ..باجر عندي امتحانيين واذا تاجلوا ابشروا بارت هديه بس ادعوا 🙈
شوي واتصل ابراهيم توني داحجي ويا ماحس غير صوت طلق قوي وصوت انفجار وكع كلبي اصيح اريدة يرد عليه ختفى صوته.رجعت كررت اتصل ماكو يكولي الرقم خارج نطاق التغطيه..
مليون فكرة رعب اجت ابالي كمت اخرط عل خدودي وادك والطم ولكم ماتهنيت ليش هيج الدنيا شادة ويايه ٢ار يومين بس من عقدنه سيد ليش هيج فرحتي تنباك بساع بساع ..
جنت فوك لس بالي احسه مشلول عن التفكير نزلت ركض وعل درج شفت طه اول ماشافني ضحك وكال
طه: بنت حلال اجيت اخذ ملابس اريد اسبح عفيه عليج الله جيبي ملابسي ....
صحت بوجهه : طه الللحكني ولك ابراهيم ماككو صوته اختفى بس صوت طلق ونكطع الاتصال بربك ارجع خابرة بلكي تحصل شبكه
صاح بوجهي: ليييش تكفريني بالكائنات المجهريه شنو مو تعرفين شغله شعبالج لعد باي لحظه يجيبولج جثته خوما تعباليج ديلعب
كمت الطم كلامه موتني ربي دخيلك اجتي حلومه بسرعه حظنتني وتحجي ويا طه
حلومه: شكو شبيهه شبيهه تبجي
طه: خابصتنه بسي سيد مالها ماكو وصوت طلق سامعه عجل شنو تعبالج بمسابقه ديغني مو تعرفي بحلك الموت
عافنه وراح للهول كعدت اني عل بايات الدرج حجيت لحلومه الصار من فتحت التلفون وصوت الطلق اللي سمعته ونكطع الاتصال ورجعت خطيه اهذت تلفون تهابر وتدردم
حلومه: غيري الاسم بساع ولتجيبينه طلايب راح يشكون بغير شي فدوة غيري بسكوت ماراح يكولون ليش مسجلته باسم بنيه لوما بينهم شي
شمس: اي اي ميخالف بس دكي وحصلي كلبي ننار علي
رحعت تدك مرتين ماكو عاد رجع طه وكال رديلي الرقم واخذة حلومه ردته وطلع يخابرة عشر دقايق وفات كال
طه: لتخافين ماكو تغطيه ومن يفتح تلفون ويحصل شبكه راح يلكاج ناعله سلفه سلفاه مسحي دموعج وراح اظل ادك لما احصله
شمس: برد كلبي الله يخليك طه الله يبرد كلبك راح اموت والله ليش هيج دنيا تسوي بيه
طه كرفص كدامي: شمسويه بيج الدنيا متكوليلي
أنت تقرأ
شمسي الكوفية(ازمة نسب)
Adventureتم تغيير اسم القصه من شمسي الذهبيه الى شمسي الكوفية من لم يطرقُ بابنا والروح ترتجف،لا مرحباً بهِ والنبض منتظم.. قصه جديدة عاطفيه_اجتماعيه بنت تتحدى الصعاب في سبيل العيش بكرامه .. قاومي لا تسمحي للاشياء بأن تسحقكِ ! كوني امرأه وضعت حدودا للتعامل مع...
