شمسي الكوفية(ازمة نسب)

البارت الثالث والاربعون

لماذا هي ؟
- لا يهون عليها حزني ، في أشد لحظات الخصام أجدها بجانبي ، كانت حياتي مليئة بالأخطاء ، فكانت هي أول شيء صحيح .

شمس:

بعدما استقرينا من رجعتنه صح جيران كلش قليلين ينعدون عالاصبع كم بيت رجع وناس منعزله عن ناس صارو عبالك بيهم توحد محد بدري بحال قاني ميت عايش مالاكي لكمه تعينه ونوب ابو لمولد صعد سعر الامبير بالعالي وممفكر بالناس احنه ثح عدهم خير واني من فلوس الفصل عندي بس تبقى الناس مو نفس المستوى المعيشي وهالشي شيسوي علي الفقير لمالاكي لكمه ...

بيومها عثمان قرر ياخذ جهاله تلاثتهم ورحت اني وذياب ويا ذياب يسووق وعثمان بالصدر واني وربيع بحظني ويمي كاعد عساف ومن جهه ليم جامه سيارة هادي اسم على غير مسمى ابد وطول طريق حجي عثمان وذياب عن الوضع وشلون يوسعون شغلهم ويستغلون هيج شي ويبنون باماكن قليله بيها مطاعم يريد يبنون مطعم وبعد كلام عريض قرروا يفتحون كوفي شوب ويلغون سالفه المطعم ...

حسيت ذياب يريد يطلع عثمان من جو توتر مو سهله يريد يعرف ذولي جهالهه لو لا !؟
بس هذا ماعرف ليش صاير سليط اللسان كلش غثيث

هادي: بابا يعني انته تودينه لبيت جدو احميد لو شلون تعرف احنه ولدك

لزم بريك سريع ذياب وعثمان ندار علي نطاه راجدي ابو طكه نرعبت من مكاني بس ذياب كاله

ذياب: اوكف ابو هادي ولك انته منين عرفت وفهمتج هالحجي وبعدك بزر مطالع من لبيضه

هادي: من شمس هيه كالتلي!!

صدمني بسرعه ذياب ندار باوعلي
ذياب: هاي عود مأمنيج عجههال هيج تعلميهم

شمس: وروح امي ميلاد ماحجيتله شي والله العظيم شلون احجي هيج شي

ذياب: يعني جاههل شفهمه حته يجذب لو يتبلى عليج

عثمان: هذا مو جاهل هذا جبير وتربيه امه الله لا يرحمها زرعت بي حقد وصار يفهم متاكد شمس ماتحجي اضمنها ومااضمن ابني الزفر عل امه طالع خل تطلع نتيجه وداعت جدك لاعيد تربيتك من جديد

ساد الصمت بالمكان وربيع مل شوي يباوع من جامه السيارة ويأشر عناس اووف بسلا ثدك مو ابن عثمان الله لا يمولها وين يروح هالصغير والله تعلقت بي واخس اكو امل اربي تربيه زينه خاصه عثمان منطيني حق التصرف بيهم اكتل اربي اعلم انصح ادرس ووووو ..

صار طريق طويل كلش اخر شي ذياب خابر صديقه ووصفله مكان وطلعو ورة ماخابر لبيت وبلغهم طالعين لبغداد لان هنا هسه ماكو بس بغداد بيهه وطلعنه بوجهنه ورة ما ٠ذب صديق ذياب لغير واحد انو مفتح مختبرات تحليل اثبات نسب ...
بسبب الوضع ماكو هيج شي لما يستقر يلا تاعود يفتحون وطلعنه لبغداد وبعد دوخه وسيطرات وووووو سوينه تحليل بس هالمرة يختلف ورة شهر تطلع نتيجه ..