شمسي الكوفية(ازمة نسب)

البارت الاربعون

‏من أختار لمؤشرات الساعة اسم "عقارب" يعرف تماماً كم للوقت أن يلسع
الأرض لا تدور ‏حول نفسها ،‏ الأرض تحاولُ رؤيتكِ ‏من جميع الجهات .

دكتورة: البقاء لله سوينه العلينه بس فقدنه الطفل مقابل حياه الام لان نزف اخذهه ومي راس طك مباقي وووو....

هيه تحيج واني كلبي وكع مني بس لمشكله خاف تحجي ماعرف شلون اذا هوة سواها متعمد لو لا بس رباح تخربط راد يوكع طفرو علي مجيد وذياب وعمه صبريه تكوله فظوة يمه تعوضو ...هوة اشرلي بايدة روحي مافهمت شيقصد ...

بس دكتورة كالت ودو نجيكه ورجعت حجت بس اني يمها

دكتورة: الطفل راح سبيعي وحجمه جبير جان راحت بيها الام لو لا ستر رب لعالمين لان مبين جانت متوجعه من زمان ليش مامشيتو بيهه لدكتورة

شمس: دكتورة ماعرف بس جانت عمتي تكوللهه هاي تقلصات عاديه تصير لاي حامل

دكتورة هزت رايها باسر: هسه لحمدلله ع سلامتها بس هذا اسمحيلي تخلف وجهل ميصير هيج تضيعون طفل وحياه ام تتعرض لخطر لان مو كل الحوامل عدهن نفس المناعه والقابليه او حتى مفس اعراض النسا من تصير حامل فلازم مراجعه .ووووو ...

كعدت مرة تنصح مرة ترول على الاهمال همزين عافتني وراحت تنهدت ودرت وجهي شفت مجيد جاي عليه تبلعمت هسه اذا سالني شاكول ياربي ااخ شهالحظ هذا ...

مجيد: هاا شتكول دكتورة شلون وضعها

شمس: الحمدلله عدت ع خير تكول لمفروض من تحس بوجع تجيبوها مو احد يقرر هيه تقلصات لو لا لان حامل عن حامل تختلف

مجيد: الله يعوضهم ويخلف عليهم الخلف الصالح

شمس: رباح شلونه

مجيد: هيانه ويا ذياب جاي بس هبط ضغطه شوي وامي ستلمتها مناحه ...

شوي والتمو وفتنه لحلومه نتحمدلها ع سلامتها وهي تبجي حاطه راسها بحظني والكل يسكت بيها ومجيد يتحلف يكتل هادي ويحيى واني مثل الاطرش بالزفه ..

ورباح يواسي بهدوء اصلا هوة ديصبرها الفهمته حجاله مجيد الصار هوة وعمه صبريه واني لحد هسه ماعرف شكو بقينه شوي علمود خلومه لما تحسنت واصرت نطلع تضوج من ريحه المستشفيات وطلعناهه وجابت طريق بحظني مرة تبجي ومرة تسكت رباح بالصدر ومجيد ليسوق وذياب رجع ورانه هوة وعمه صبريه..

وطريق كله خلصته صفنات صفنه ترجعني من جنت شمس القويه الناس تعرفني سعد وصفنه تجيبني شمس هسه اللي صارلي كَرابه من تالي وكت واللي تخولت شمس البنيه من اصفنلها اشو لا اني الرتاحيت من صرت سعد بالعكس جنت شايله جبال من الهم واني وحدي ويه امي ولا اني هم لرتاحيت من صرت شمس او امنيه رياض لعدها عمام وخوال شو هسه صفى بيه لوكت واحد متزوج يريدني واربي جهال ابن عمي !! وصايرة ام الفزعات بكل سالفه اني تحس هالاشياء كلها ماكبرتي بنفس عمري الحقيقي لا والله احس عمري طخ لخمسين من ضيم وهموم محملتها جريت تنهيدة نتبهت مجيد منتبهلي بالمرايا يباوعلي درت وجهي على اختي هاي اللي الظاهر الراحه ممكتوبتلي ولا مكتوبتلها ...