شمسي الكوفية(ازمة نسب)

البارت الاخيرر

راح اعيد حسابي وابدي من الصفر
وراح اقيم كل صداقات العمر
راح ابسط بالربع مو حتى ابيع
ارد اشوف شكثر ينطوني سعر
وراح احطهم كلهههم بمنخل جبير
اريد اشوف اليبقى منهم والعبر ..
وراح اجتف لساني بحبال السكوت
حتى مااتندم واقبل عذر
علمتني الدنيا خداعة العيون
حتى لو ميزت البيض من السمر
تريد اثبتلك وابرهن هالكلاام
هااك طلعلي الملح من الشكر ..

خلل صار بالواتباد وعدت كتابه البارت لان طويل البارت ..
شكد عدكم سوء ظن بيه قووي ماراح احذف لبارت لقبل هذا ..للذكرى 😂🙈

دالعب بشعر رعودي بحظني خانس ويتلمس بطني ويضحك تنهدت من تعب الحمل ياوليدي شوكت تجي وارتاح همست واني ادخل اصابعي براس رعودي هاي الحركة يموت عليهه هوة وابو ..

شمس: رعودي راح يجي دادة زغيروون تحبه مو وتنطي عمية ..اشرت على حلكي.هوة ضحك وحظني يتلمس بطني دك تلفون كتله روح ٠يبه ع ميز تلفزيون كام يدحدح بالمشي لانه مربرب بعد عيوني راح جابه واجه برغم صغر سنه هسه سنتين اله اربع اشهر بس يفهم حبيبي بعد تربيتي .

جاب تلفون باوعت شيخ كلبي يتصل رديت بتعب

شمس: الوو هلا ابو رعودي

مجيد: يهلا بهالصووت حبيبي جاي بالطريق توصين عل شي

شمس: سلامتك كلشي جاهز وعبير كملت فاتت تسبح واني ورعودي ننتظر وكالعادة يحيى ورسل بدوامهم

مجيد: خابرني ابو هادي يكول وصلناكم هسه كلت خاف وصلو قبلي

شمس: لا بعد محد وصل اني ورعودي ننتظرهم

مجيد: بطتي لحلوة جاي لعد دام متوصون ع شي

شمس: توصل بسلامه ...ااة

مجيد: هاا شبيج بسلا هسه وكت طلوكتج

شمس: مادري وجع يروح ويجي اريد ابجي منه

مجيد: هانت عكال كلبي جااي هسه ..

سديت تلفون وكوة بالف يالله كمت لابسة دشداشه كشمير بيهه ورد عريضه لان صايرة طوبه على حملي هذا سمني زيد وزني حيل كمت ابلع ريكي من التعب خذت ايد رعودي كدته مشيته وياي حطيت تلفوني ع ميز تلفزيون ومشينه صارت كبالنة عبير طالعه من الحمام لابسه دشداشة ولافه شعرها بالمتشفه

شمس: نعيما

عبير: الله ينعم عليج ..شبيج شو شكلج تعبانة

شمس: ماظري عبير فدوة شلون طلوكه يعني وجع يروح ويجي احس من يجيني لوجع تطلع روحي اتشاهد والله

عبير: اي لانج بشهرج متعرفين ع ياساعه تجيبين الله يسهلج ويكومج بسلامه وتخلصين

شمس: امين ..يلا روحي لغي شعرج عل جيه بيت عيالج

عبير: همه نفسهم عبالج يمعودة

شمس: ههههه خوش ذكرتيني

فاتت عبير لغرفتها ومشيت كملت طريقي وهذا الفصعون مشى بطوطح جنه اني يكول حامل لان مدنفش مدكر اشيله بس اظل ابوس بي الكلب يمسح بوستي من يشوف ابو ..