شمسي الكوفية(ازمة نسب)

البارت السادس عشر

فاضحني الكلب بس يبجي بالليل
مو كافي البجي حس الليل مسموع
محد شال همك يا كلب ليش ؟؟
وعليك اليوم صار الفرح ممنوع
كف الدمع ماينفع بجي ونوح
شاريهم جنت واليوم مبيوع
باعوك برخص ياوسفه ياحيف
وبعد هيهات للباعوك مرجوع
جرح السيف لابد ينمحي بيوم
بس جرح المحب للموت مطبوع ..

مساء الخير يابه ❤🌝
متابعه لحسابي👈 samah_96ss

احلام: مو شسمه ءء اني يعني بوضعي يصير اسوي تحليل خاف تتخربط كل نتايج

رباح: شبيج حلومة هيه ماعدهه اخوان وخوات غيرج لازم يتطابق وياهه وحالتج شبيهه تراج مابيج شي عادي حته لو بوضعج يصير وتطلع نتيجه اذا اكو تطابق ...اخذ نفس ...شوفي شمس احنه لان اجانه خبر انتي توفيتي اسم الله عنج كالو بنفس ليوم لاجيتي بي بس ورة كم يوم وصلنه لخبر ماصدكنه بس اكو وحدة من لمستشفى ممرضه مدري قابله حلفت ماتت طفله وصدكنه بس بعد هاي السنين تجين ولفهمته من مجيد واخواني الباكتج معترفه باسم اهلج هالشي خلانه نشكك انتي خاف مو بنتنه ودازيج تاخذين ورث شي فتحليل بكل لحالات احسن وضمان الج بعد هذا لغياب محد يشكك بنسبج واصلج وهم تصير ورقه رابحه ويانه من نحاكك لباكوج ...يعني انتي بكل الاحوال جنتي طفله جاهل مخطوف وتعتبرين مجهولة النسب بالنسبه النه لان النعرفه بنتنه ماتت فاي شك راح يروح انشالله بعد هذا تحليل ..

شمس: اني لمهم عندي اعرف اني منو يعني كل واحد يخلي نفسه بمكاني تكعد تنام تطلع بيت تعرف بي اهلك فجأه ترجع لنفس لبيت تسمع اخوك او الجنت تعرفه اخوك يكول مو بنتهم شتتوقع راح اخذ عل خاطري وازعل منكم اذا شككتو لا بلعكس عل كولتك تحليل ورقه رابحه الي اني شخصيا قبل اي احد

احلام بحماس: نشالله تطلعين اختي يااارب يارب

اني بقيت ساكته كالت ذكريات
ذكريات: شبيج متكولين امين

شمس باوعت لجديتي اكثر شخص مادري ليش بوكتهه عيوني تشخصت عليهه
شمس: ماحسيتكم اهلي والصراحه اتمنى ارجع لامي ميلاد حياتي مابيهه هذا تعقيد لاحس بي بنصكم هسه

رباح: ممتعودة بس تتعودين صدكي ..حلو اخلاصج لامج لربتج بعيد عن انهه باكتج ...بس حياتج لتكولين مابيهه تعقيد اكبر تعقيد لبسج لاجيتي بي شغلج بلكراج هذا كلهمو تعقيد ماعرف شاكلج بس خليهه ابالج اذا ثبت نسبج من عدنه ومحد دازج لان يعرف عدنه بنيه ماتت مثل ماكالو لمستشفى فأكدلج حياتج راح تعيشيهه بنيه يعني اكو كونه (عركه) دامج بهذا لبيت اكو غيرة اكو كره اكو حب اكو كل لمشاعر لجنتي مفتقدتهه

طه: ادري بيج كرهتي ليوم لاجيتي بي هنا اني همات من يحجي فيلسوف لبيت ادوخ احسه يحجي حجي اكبر من انو عقلي يستوعبه ..

رباح: خليك هيج عدت السادس مرتين وهسه فك صماخك واطلع من الجامعه كل سنهاخذهه بسنتين ماوصيك