شمسي الكوفية(ازمة نسب)

البارت الاول

عاشرلك شخص يبچي على بچاك
ولو مرة غبت يجيك متحزم
يگولك گول خوما محتاج شي
اني خزام ظهرك گول لاتهتم،،،،

شمسي الذهبيه
للكاتبه سماح samah_96ss
البارت الاول

كمت ويه دكه المنبه بسرعه سديته خفت لا امي تكعد خطيه مشلوع كلبها يوميه خل اتوكل اليوم بدون ماتعبها ...كمت طلعت توضيت وجيت صليت لكيت صوت تمتمه باوعت زين هاي امي ع سجادة رافعه ايدها تدعي مشيت يمها بخطواتي ...

دنكت همست: صباح الخير يشمسي

مسحت وجها بيدها وكالت اللهم امين..ردت

صباحج  عوافي ييمه هم كاعده من فجريه الله عوفي اليوم لتطلعين مو جتفج نفصخ ممتوازيه

بست راسها: طشلون يمه اعوف لكمه عيشي هذا رزقنه بس دعواتج تحفظني من ولد الحرام كلشي مريد غيرهن

روحي يمه وعين الله تحرسج من شر وخطي ..اكوم احطلج ريوك كَبل لاتطلعين موزين عليج

ممشتهيه يوم وداعتج ارجعي نامي هسه ابدل واطلع كبل ما الجيران تكعد ..

عفتها ورحت طلعت بنطروني اوف مشكك بس مركع لبسته ومبل يوميه الف وصله ع جسمي حته متبرز عندي اي ملامح تخص البنات!! وراهه البس بدي نص ردن ضيك يضبط الوصله وراهه البس قميص راعي مرعبل واوف يجي يوم واكص يشعري ..لفيته كبايه ولبست كاب اسود ع شعري وراه لبست كاسكيته(طاكيه) خليت حلكهه ليورة ولاستيكه من فوك كصتي رحت طلعت الكحله جنتي كبل بعيوني احطج هسه زمن اول تحول ...لزمت القلم مال كحله شخبطت بيدي حطيت فوك شواربي العفتهن بعد محفهن وسويت سكسوكه وخربطت شوي يم الزلف باوعت  صرت زلمه اخ يالوكت اسمع امي تصيحني اتريك ...باوعت لنفسي ع مرايه مال كنتور

يويلي شطالع ولك غير بيتنجان مفحم ...

دنكت جريت  بوتيني (حذائي)الخردة لبسته واشد بالقيطان ورة مالبست جواريب ممبين شي مني يدل بنيه وهذا المطلوب طلعت ونسيت تلفوني الصرصر رجعت اخذه باوعت عزااا جريت قلم الكحله بطرف اصبعي مشيت ع منطقه لبين الحاجبينن سويتهن حواجب ثخينه مخربطه ..باوعت اتفحص نفسي

موجودة شوارب وسكسوكه
طاكيه
شماغ ع ركبتي
قميصي العريض ..نسيت رداني جفلتهن وطلعن السيقان السود لجوة القميص عادي مو مشكله عرفوني اخاف ع بشرتي من الشمس ...

حذائي لابسته
ممم كلشي جاهز ..طلعت ..

يله يمه كعدي اكليلج جم لكمه مو زين عليج والله ابين ماتروحين وتجين تافله المر

كعدت : يمه لتخافين اني بحمه رب العالمين واعجبج من استرجل شنو موةثقه بقدراتي الرجوليه ..