شمسي الكوفية(ازمة نسب)

البارت التاسع والثلاثون

منو بكَدي فتح صفحه جديده
منو تندم لحدما خلصت ايدة
انه الخلصت ظهرة السجاجين
وانه اليحب جتاله ويريدة
ااخ من البرود التارس الناس
وانه حرورتي تجوي الحديدة

عثمان: اني بعد ماصدك باحد وبذات جهالي راح اروح باجر اسويلهم تحليل اثبات نسب شاك بربيع موابني والشك راح يموتني والله صار جم يوم سالفه براسي واموت الف موته من التفكير

عمه صبريه: فوض امرك لربك يمه مو هالدرجه عاد تشكك بضناك يمه

عثمان: عجل الصار ميخلي الشك يتربع براسي يمه تعرفين شنهو يعني نغدرت وعل ايدمن خالي النكس ومرتي الجلبه من اخرب حفرها هاي العار هسه شنو ذنب جهال روحي لاعبه منهم كلما اتذكر امهم والله هذا امتحان صعب يربي ...

نزلت دموعه هنا احنه لبنات كمنه وعفنه عثمان ويا امه واخوانه بلكي يواسو يريحو بكلامهم ولو شيرتاح وهوة ملجوم لجمه عزيز وطعنه بخنجر بظهرة شيكومه بعد ..

الخذلان مرات مو بس يكون صعب لا الاصعب اذا زرع الشك بالناس اللي انته عايش وياهم خلاك تشوف الدنيا من غير منظور خلاك توعى على زمانك خلاك تشوف الحياه من منزور ضيق تشوف جميع صنف حواء خاينات تشك باقرب ناس الك من لحمك ودمك هالشي صعب تكدر ترجع الشخص ثقته بالناس لان صعب صعب يرجع يتصلح اللي انكسر ...

مرت يومين وعثمان ماجاب طاري ياخذ جهاله يسويلهم تحليل اثبات نسب!!
الظاهر اهله كدرو يقنعو ..
يومين كئيبات كلمن على اعصابه خايفين والولد كلهم اعصابهم صايرة نار وميريدون لا ضحك لا صوت لا حجي اعصابهم تالفه رباح ومجيد وعوايلهم بقو يمنه عبير ومجيد بقو بالديوانيه ورباح وحلومه بغرفه عثمان وعثمان ينام بالهول ابد ميدخل لغرفته اني لو امه نحضرله الحمام هوة ميدخل ابد وهمل جهاله فدنوب ...
ووكعت اني بيهه كمت اخذهم وياي انيمهم بذات ربيع صغير عمرة ٣ سنوات خطيه والله اخذه بحظني اظل امسح على راسه واقرالها قصص اكوم أالف بكيفي وعلى واهس ربيع عساف وهاظي هم يسمعون بذات هادي بي كبر وهسه اول ابتدائي المفروض بس سودة عليه شفتهم من دنيته نوب هوة لاحظ الصار خايفه يتأثر بهالشي اني اكثر شي وياهم يوميه اسبح وابدل واغسل ملابسهم واوصيهم بدون صوت جانو حيل وكحين بس من شاقو ابوهم اعصاب ويشوفوي يجي كلهم يختلون يم جديتي بغرفتها هي وعمه صبريه يخافون بس ربيع يجي مدنفش يمي يختل بحظني عاد اكزم اشيله وأحضر اكل لعثمان حلومه عليها تغسل ملابس بالغساله وتنسح الخشاب عبير وغسق متفقات بين تنظيف البيت والمواعين يعني طبخ اني عليه اغسل مواعين الغدة وهاهيه لان جهال كلش مسؤوليه جبيرة كالو ابقي وياهم لما نشوف وين تاليها توصل ...

بلشت وياهم صار اسبوع ورة سبعه امهم وهادي كمت اراجع وياه دروسه يجي هوة ويحيى ابن عبير ادرسهم وخطيه عبير تشيل عني واني اشيل رعد هوة منا بحظني وربيع يريد ينطي مصاص واظل اخير بيهم كرهت نفسي شو فجأه نكلبت مربيه اطفال غددي ملعون زواج على سنينه لعبو نفسي صياح يبجون تعاي درسي بدلي انصحي ااخ يابه وين جنت ووين صرت .!؟
منو جان يتصور اني اصير ام لجهال عهود الله يرحمها شما جانت الميت ماتجوزله غير الرحمه ...