قمر الليالي

16

بدايه الاسبوع نزلتا السبت للشغل متحمسه .. كان عندي شغل بديت فيه لحد ١٠ حتى خالد جاء طبعا باركت ليه سد المال وكان مبسوط انه العروسه عجبتا الحاجات شدييييد و اتشكرني تاني لوقفتي معاهم وقلت ليه ده اقل واجب اعمله
حكي لي بالليله كلها وكيف ناس العروس برضو ما قصرو واحترموهم قلت لي انتو لو قصرو معاكم يبقو بالغو الكرم حقكم ..
روحي حرقتني سالته من مالك وين ؟
قال لي الوضع اتعقد زياده مي سابت البيت من يوم الخميس وشكلها مشيتها لاهلها هبطت و اغمى عليها ودوها مستشفى و دربات و دنيا حتى فاقت واهلها داقين جرس كيف و كيف عايزين سبب لتصرف مالك معاها وتجاهله ليها بالطريقه دي ..  وعمي كلم ابوي وطلبو الطلاق .. الكلام ده يوم الجمعه زاتها بالصباح
ابوي ما كان عنده رد غير مشى لمالك هو و عمي وسألوه انتو مالكم .. مالك رفض يحكي ليهم اسبابهم شنو وطلاق ماااا بطلق ..يعني ما عمل اعتبار لجيه عمي وابوي ليه في الفندق وعزا كلمتهم .. لسه مقوي راسه زي الحيطه .. مصر طلاق ما بطلق ورجوع للبيت ما برجع ☹ وبتكم وجاتكم اهتمو بيها ومصاريفها ومصاريف البت حتنزل ليها في حسابها في البنك ..
طبعا ابوي و عمي غضبانين منهم الاتنين 😡

من كلام خالد استنتجتا انه سبب المشكله دي شي خاص شكله وما حيقولوه ..
حسيت بغمه في قلبي من رفض مالك للطلاق وطلعتا قعدت في مكتبي شفت شغلي وبطلت افكر اصلا في مالك و مشاكله ورغم القاله لي ما شفته عمل شي ول حسسني انه فعلا داير يتقدم لي ول يكلم امي ولا حتى اتصل علي وقلت تلقاه غير رأيه عشان كده ما ظهر وما عايز يقابلني يكون غير رأيه

مر الاسبوع ده كله بالشكل ده كله كان شغل وارجع البيت تعبانه وما حصل صادفت فيه مالك وهو ما حصل اتصل علي ولا انا فكرت اتصل عليه قلت اخليه علي راحته .. كفايه وانا كل مره راميه نفسي عليه .. قلت خليه هو يقرر اذا عايزني في حياته ول لا .. ما حفرض نفسي عليه ..

الخميس بالمساء كالمعتاد قاعده مع امي مساهرين في فلم وجوالي في يدي جاتني رساله من رقم غريب لكن اتوقعته مالك .. قلبي لامن فررره
محتواها زاته غرييب لا سلام ولا كلام
(( قمر انا محتاج ليك ))
لمن شاف اني قريتها و عملت صاحين زرق اتصل علي طوالي برقمه المسجل عندي ..
شلت تلفوني قمت دخلت غرفتي وقفلت الباب علي عشان آخد راحتي امي لو عرفت تواصلي مع مالك ما بعيد تشيل سكين وتضبحني 🤪
رديت عليه ..
: مالك كيف تمام .. قلقتني عليك خير في شي ؟

: بتعملي في شنو انتي هسه برنامجك شنو

: انا و ماما متابعين فلم في 2 برنامج بيييض طبعا هههههههه انت كيفك احكي لي ..

: كيفي  خليه😄انا بظبطه 🍷🍾
لكن الطاغي و مجنني اني محتاج ليك شديييد وعايزك هسسسه هنا قدامي 😓 عايزك جمبي عايز عارفه يعني شنو عايزك 🤤 ___انا _______ انا عايز احضنك شديييد 😉اكسر ضلعك جواي ايدي تلمس شعرك الناعم  وخصرك مشتاقه شديد يدي 😅مشتهيك انا🤤