اخدتا كلام عزام وريل قدام عيني وكنت جاده واتشجعتا شديد اصلا لازم يا اتواصلنا يا طلعته من راسي 😥 لاني تعبتا شديد
امي تاجره وبتجيب بضاعه كتييير من بره السوان دبي الهند السعوديه مصر وزباينها ناس مروقين كلهم لانها بتجيب حاجات اصليه وما متوفره في السودان مكياج وملابس ملايات وايي شي تلقاه مطلوب
بشغلها ده الحمد لله وضعنا المادي مستقر متوسط واعلى شويه ربنا يحفظها لي
خالتو صفيه ام مالك بتتعامل معاها كتير .. وبصادف مرات بتمشي ليها في الاسبوع مرتين .. طبعا ما كل مره بمشي معاها بحس مالك ماف القعده ما ليها طعم ..يوم كان عيد الام واتفقنا انا و ولاء نعمله مع بعض عارفين امي اقرب صديقه لامهم ويكون في بيتهم نعملها مفاجأه ليهم وخططنا لكل شي ناس ولاء كلمو خالد و مالك اتفقو يجيبو شنو بيتزا وبروست وحلويات و مشروبات وكيكه عيد الام
لمن جاء دور الهدايا قلت لولاء لمن تمشو تجيبوها سوقوني معاكم 🤗 كنت لامه قروش امي كانت بتديني بالكتير .. وفعلا مشينا مع خالد كان سايق عربيته مشينا السوق واشترينا ليهم تياب بطقمها كل وحده اتنين وخالد جاب ليهم عطور من باريس جالري كانت ماركهولاء ووفاء نزلو للصراف الآلي يسحبو مبلغ وكنت في العربيه مع خالد كان يشيل ويجدع لي في الكلام واضح عليه بعاكس بس والله معليش بضحك بس 🤣 ما عندي ليه شي
بالحاله دي اهظر معاه مالك اتصل عليه بسأل هم وين وعملو شنو بخصوص الهدايا .. خالد حكي ليه و اصر عليه بكره يحضر الاحتفال ده ويلغي ايي برنامج و ارتباط لانه حتكون بايخه من دونه وده عيد الام .. ياخ اتبسطتا شديد 🤗😄🙄 مالك حيكون موجود .. ونهايه الكلام قال ليه نحن جبنا الهدايا الاكل عليك يا فرده 😁 تجيبه بكره وانت راجع من الشغلتاني يوم عيد الام مشيت ظبطتا شعري في الكوفير عديل و حواجبي وعملتا سويت ليديني و رجليني واخترت فستان نمري بودي علي الجسم طوله ميديم ما قصير وما طويل للساق وكمه قصير ولبست معاه شبط اسود مشبك لمن لبسته وفكيت شعري وعملتا مكياج 😍 واتعطرتا تمام حتى شعري ومسحت جسمي بجل مخمريه بقيت لامعه و ناعمه شديدد بالجد بالجد نفسي ما عرفتها الخطه كانت امي تمشي ليهم عادي كانه ماف شي و انا اجي مع خالد ول مالك
ولحظي مالك كان بره بجيب في الاكل و التورته زي ما اتفقنا ولاء اتصلت عليه قالت ليه وانت جايي اغشا معاك قمر جيبها .. لانه خالد بعمل في الزينه و البالونات في الصالونكنت قايله خالد حجيبني اتصلت بي ولاء قالت لي اطلعي يله العربيه قدام بيتكم ..
طلعتا اتفاجاء انها عربيه مالك اف جي سوداء قلبي طار خلاني 💓💓💓 ورجليني ما شايلاني😍 لمن دايرة اقع في مسطبة بيتنا اتعترتا 😖
ما احس بيه الا فتح الباب وجا نازل بسرعه و قال لي بسم الله حصل ليك شي ؟ رجلك كيف ؟
انتبهي قدامك اعملي حسابك الكلمتين ديل مع وقفته جمبي وماسك يدي الدنيا لفت بي اكتر .. بقيت متكله فيه 🤪
أنت تقرأ
قمر الليالي
ChickLitقصة سودانيه بقلم moonlight©️ الجزء الثاني من أعز عزيز 💞 من المفترض انه عاشقا لزوجته اذا ما هية مشاعره تلك لما يرغب بها الى ذلك الحد لما قلبه يحترق لماذا نظراته لها بها الكثير من الحديث