بعد خالهم الحمد لله اتحسن وبقى كويس و طلعوه للبيت حتى الاولاد ديل ارتاحو وبقو يمشو بيوتهم واخدو ليهم نومه زي الناس في سرير 🛏 بعد بهدلة المستشفى و النوم في الشارع ..
خالد بداء يشوف المبالغ المعاه قدر شنو وعنده و بقى مهتم بشغله في الشركه لانه مالك من يوم مشكلة المزرعه و الحوار الحصل مع ابوه اخد موقف وابوه مكبر راس ما عايز يتكلم معاه عشان يرجع 😓
بقى مركز في شركته في دبي و اتكلم مع نايبه انه يحول ليه سيوله كافيه لدولار ..
بمشي يشوف قمر عصريات ويوديها لغيار الجرح رجلها لكن بتمشي معاها بت خالتها
برضو يخطفها من امها 🤩 يتغدو بره ويفسحها برجلها دي تتسند عليه وتمشي وبت خالتها زيها وناااسه مرقاتهم ظريفه فرفشه لمالك بالنسبه لمشاكله العايش فيها فصله كده و يرجع مبسوط ومقضيها مكالمات وشات مسائي واغاني وحركااات قمر جننته 😍😍
بقى متمني ترجع ليه متييين
يوم ختاها حاله
عطشان يا برق السما
بموت من طول الغياب
بموت من كثر الظمأ
وأنا على متن السحاب !
اشترى العربيه لمي 🚗 مشت مع هشام للمعرض عزلت العربيه العايزاها واتصل بمالك حول قروش العربيه في حساب المعرض حتى ما شافها قاصد يعاملها كده زي ما هي عايزه تهمشه ودايرة بس قروش 😪 وحاسي بيها شغل انتقام .. فضل بس يرجع البيت ولسه ما حدد متين .. ومي ما عندها عين تسأله حتى قمر مع اهلها 🤕
خالد بقابله كتير بقو يحولو القروش لدولار عشان يرجعوها ل الشيخ مالك مسك الموضوع و الحسابات 😪 خالد عنده قطع اراضي باع منها وشقه في الخرطوم في مجمع ..
مالك كان عايز يشتري شقه عشان تسكن فيها قمر لكن موضوع خالد ظهر ليه في السطح عشان كده استأجر ودفع مقدمها ٦ شهور ..
الشقه وراها لقمر و امها عجبتها شديييد كان تشطيبها سوبر ديلوكس ومنها ممكن تشوف النيل الازرق و شارع النيل ... كبيره ٣ غرف منها غرفة ماستر مع حمامها و غرفه ضيوف نسوان والتالته صالون رجال والصاله كبيرة حتكون جلوس و صفرة والمطبخ مركب وفيها بلكونه منامه كبيرة .. طبعا محتاجين عفش شقه كاااااامله 😓
انتهى من موضوع مي كله بقى موضوع شقة قمر و مشكلة خالد ..
قمر مستعجله عايزه ترحل 🤩 كل شويه تقول ليه نمشي متين نشتري العفش ومالك يماطل فيها قال ليها عندي سفرة للامارات زي ما كلمتك مستعجل
كانت عايزه تمشي معاه قال ليها ما ح تستمتعي ماشي شغل و حكون ما فاضي ابدا .. خليه نمشي اجازه عديل ..
سافر دبي اسبوع ظبط امور الشغل وخلص امور معلقه كان حيبيع شقته في دبي بس ما لقى مشتري بسرعه بعد كده ماف حل الا يشيلو من حساب المجموعه سلفه بس مبلغ قدر ده حيمر كيف علي ابوهم 😓
قمر كانت متواصله معااه شديد شوق وضحك وحب و ونسه ..
يوم صور ليها فيديو وهو سايق العربيه ومشغل اغنيه ويغني معاها ..
بهزر معاها ويعمل حركات رقص خليجيه استهبااال
أنت تقرأ
قمر الليالي
ChickLitقصة سودانيه بقلم moonlight©️ الجزء الثاني من أعز عزيز 💞 من المفترض انه عاشقا لزوجته اذا ما هية مشاعره تلك لما يرغب بها الى ذلك الحد لما قلبه يحترق لماذا نظراته لها بها الكثير من الحديث
