خالد هايج يكورك يقول لمالك شوف ضربو العربيه كيف يله وراهم سريع .. نسكت ليهم كده لازم يتحاسبو 😡😤 مالك بقول ليك يلا ..😠 مالك انت متجمد كده ليه .. مااااالك 😡
المسدس وقع من يد مالك وتعابير وشه متجهمه .. يقول لخالد بصوت واطي متقطع . . خالد انا ......انا
مالك ماسك بطنو ويعاين ليدينو فيها دم
خالد عاين لمالك شاف التي شيرت الابيض كلو دم
خالد بهستيريا يصرخ مالك مالك مالك لاا لاا لااأاااأ ما تعمل فيني كده مالك انا السبب .. مالك رد علي اتضربتا بجد يا مالك ..
جوه البيت سمعت امهم صوت الضرب في المطبخ قالت للشغاله بسم الله ده شنو امشي شوفي بره الصوت ده قريب شديد 😟
مي رااقده في غرفتها بعدصلت الظهر لابسه اسدال الصلاه تسمع الضرب وصوت خالد بكورك لاااأا
قامت وقفت طلعت بالبلكونه تلقاه خالد يكورك ويصرخ و هايج و رجال من الشارع جايين عليه ... نزلت السلم بسرعه عايزه تشوف
لقت وفاء ومعاها مها بتفرجو في مسلسل مي جاريه في السلم بي لبس الصلاه
مها و وفاء استغربو فيها هييي يابت براحه دايرة تولدي الليله انتي !!
قالت ليهم بره خالد بتشاكل مع ناس وفي صوت سلاح😰
جرو كلهم بره طلعو يلقو الجيران متلمين قدام بابهم نسوان و رجال وخالد ماف ولا عربيته خالد ..
لمن شافوهم ناس الحي قالو ليهم ربنا يرفعه ان شاء الله لاحول ولا قوة الا بالله ان شاء الله بسيطه
وحده تسكل وب علي وب علي يا صفيه ضربوه ضربوه وجرو الله يأزاهم
ناس البيت مخلوعين ما عارفين في شنو 😰😰😰😰 منو الضرب منو يا جماعه واحد جاء بعربيته قال ليهم يله نحصلهم للمستشفى قالو مشو رويال
صفيه قالت ليهم يا جماعه فهمونا في شنو حصل
الراجل قال ليهم في عربيه جاات ضربت رصاص علي خالد ومالك .
ومها بتصرخ خالد وين طيب
قالو ليها الاتصاب مالك خالد ما جاته شي بس العربيه العربيه برضو
قاسم جايي طالع ومنطط عيونه ومعاه الحارس و السواق بطلع في عربيته وقاسم منزعج يلبس في جلابيته في الشارع 😰 ركبت معاه صفيه و مي
السواق قعد يحكي ليهم الحصل بالتفصيل 🥴
وصلو المستشفى لقو خالد قدام الطواريء يعمل في عمايل جنونيه هدومه كلها دم يكورك وصرخ انقذوه ده اخوي يا ناس فداني بنفسه لو عايزين دم انا جاهز
ناس البيت بكو واتجرسو شديد الدكتور طلع من الطوارئ قال ليهم لازم عمليه مستعجله .. خالد عمل اللازم كله دفع قروش و تواقيع
طلعوه بالنقاله دمو مصفى و مركبين ليهو دربات و اكسجين وفاقد الوعي وطوالي على غرفة العمليات ..
قاسم يدعي بصوت ويبكي ما تمتحني في مالك يا رب يا ربي يشفيه ويطلعه بالسلامه
صفيه دافنه وشها في وفاء ويبكو الاتنين .. مي قاعده تعض في شفايفها ويدينها ودموعها سايله الا جات جمبها مها حضنتها وتبوس فيها تقول ليها ان شاء الله بطلع سليم وربنا يعافيه ويحضر ولادتك ويقيف جمبك وتفرحي يا مي بسلامته 😭😭
أنت تقرأ
قمر الليالي
ChickLitقصة سودانيه بقلم moonlight©️ الجزء الثاني من أعز عزيز 💞 من المفترض انه عاشقا لزوجته اذا ما هية مشاعره تلك لما يرغب بها الى ذلك الحد لما قلبه يحترق لماذا نظراته لها بها الكثير من الحديث
