بعد وصلناهم للمطار وظبطو امورهم مالك رجعني للبيت بسرعه ياخ انا لمن خايفه من سرعته وضيقه ويشيل نفس وينزل نفس .. قبل انزل قلت ليه مالك انا بحبك ما تعمل في نفسك كده قلبي واجعني عليك .. ياخ ما تهتم بيها علي كيفها وانت علي كيفك . متمنيه اضمك علي واهدي غضبك ده كله .
بكل برود الدنيا 🧐 قال لي قمر انزلي امك تكون قلقانه لانك اتأخرتي تصبحي علي خير ..
رديت ليه .. لييييه انت مشاكلك ما عايزني اعيشها معاك وكاتم في قلبك علي فكرة انا عارفه الحصل شنو بره مع مي لمن كنت عايز توصلها وما انا بس كل الناس عرفت وبحاول اهدي اعصابك شويه يوم بطق ليك عرق لا سمح الله روووق
بحمرة عين 😡 قال لي انتي مشكلتك???? شنو داسه نفسك وسط المشاكل ليه? و البيني و بين مي ما نقاش مطروح معاك ليك بس بعلاقتي معاك البحصل شنو معاي مع الزوله دي ده شي خاص فيها وفيني ... ويعني ؟ ولو عرفو الناس اليعرفو زي ما حيعرفو بعد يومين خطوبتنا ..
قمر للمرة التانيه انزلي 😠تصبحي علي خير انزلي ما تكرهيني انا براي كرهان 😠
عاينت ليه قوووي قلت ليه ما نازله ما ممكن اسيبك بالحاله دي و ماشه معاك محل ما ماشي .😠.
ما رد علي ولا كذب خبر عشق وطلع طوالي بسرعه تخوف تااااني قلت ليه براحه يا مالك .. ولاااا رد علي طاير طيران وصل للفندق نزل نزلت وراه ماشين بسرعه زي الجاريه وراه وانا بالكعب العالي 😖وصل للجناح حقه فتح بسرعه دخل وساب لي الباب فاتح دخلت وراه وقفلته ..
قلع الجاكيت والجاليه و الكرافيته رماهم في كرسي الصفره فتح زراير القميص الفوق و الاكمام وخت المفاتيح والجزلان في الصفره ..
دخل ع المطبخ شال كاسه خت تلج طلع قزازه من الدرج واضح انها كحول كب نص الكاس عاين لي باستهتار و قال لي تشربي 😏 ..
بقيت خايفه منه قلت ليه لا🥺 .. كوارثه و مصايبه كلها بعد شراب السم الهاري ده 😓لمن يكون طبيعي بقدر يتحكم في نفسه و بوعي 😞
جا شايل الكاسه و القزازه ختاها في الطربيزه القدامه و قعد في الجلوس عاين لي قالي مالك مقهيه كده مستغربه طبعا 😒 اطمنك انا ما كده دايما بس احيانا وعند الضروره😞
واصل كلامه قال لي حتفضلي واقفه كده وبقى يشرب وسارح بعيد ..
جيت قعدت جمبه في طرف الكنبه و ختيت يدي في في رجله وقلت ليه عشان خاطري ما تعمل في نفسك كده 🥺 انا حاسه بيك والله العظيم حاسه بيك الظاهر وبتعمله ده ولا شي بالنسبه للفي راسك روق روووق شويه ماف شي يستدعي لده كله ..
يشششرب ولا برد علي ولا كأني بتكلم معاه .. خلص الكاسه الاولى بسرعه و كب التانيه
رجعتا لورا و قعدتا زي الناس في الكنبه وحشرت يدي وراء ظهره وتكلت راسي في كتفه وبقيت احرك يدي التانيه برفق في صدرة
مسافه دقيقه حسيته استرخى وقام في قعدته لقدام وخت الكاسه رجعها في الطربيزه قدامه ورجع وحضني بيدينه وبقينا كده وبدا يتكلم قال لي انتي ما فاهمه شي الموضوع اكبر من الشفتيه و سمعتيه ده بكتيييير ..
أنت تقرأ
قمر الليالي
ChickLitقصة سودانيه بقلم moonlight©️ الجزء الثاني من أعز عزيز 💞 من المفترض انه عاشقا لزوجته اذا ما هية مشاعره تلك لما يرغب بها الى ذلك الحد لما قلبه يحترق لماذا نظراته لها بها الكثير من الحديث
