وصلنا مطار دبي كان اكتر من روعه بعد خلصنا اجراءاتنا وطلعنا بنتلفت امي شافت مالك من بعيد رفع لينا يده من بعيد ومشينا عليه سلم علينا بترحاب وابتسامه كان لابس بنطلون رمادي وقميص ازرق غامق وشكل الروقه باينه عليه محدد دقته وشعره شويه كثيف ما مخففه
رغم كل شي وايي شي انا لقيت نفسي معجبه باناقته شديد وبرسم شكل ما مهتميه سلمت عليه ببرود وخاسه عيوني فاضخاني 😒
وصلنا موقف العربيه لونها ازرق فيها خطين سوود عربيه طابعها رياضي😍😍😍 حضورها طاغي🚘
فتح لينا الباب وفتح الضهريه رفع الشنط
امي ركبت قدام وانا في الكرسي الوراه مشينا مسافه كنت بتفرج بالشباك وسرحانه حتى ما سامعه امي بتتونس معاه بشنو
وصلنا للمجمع الفيه شقته كان روعه قمه في الجمال والاناقه وتصاميم معماريه مبهره ودخلنا للشقه اكتر من روووعه مكونه من ٣ غرف وصاله ومطبخ امريكي فاتح في الصاله فاصلهم مسطبه طويييله فيها زي كراسي البار فاتحه في المطبخ الكان كله بلون الموكا القزازي الفخم و الصاله الوان بيج الارضيه باركيه بني بارده الطقم اوفوايت شي حدث استايل مودرن اوروبي .. قعدنا ونزل مالك يجيب الشنط .. انا وامي علقنا علي النضافه و الترتيب
قدم لينا عصير وقعد اتونس شويه وصف لينا غرفتنا وين و ورانا برنامجه وانه ما نتقيد بيه وناخد راحتنا كأنه بيتنا
بداوم من ٨ صباحا وبرجع ٦ مساء ومرات عنده شغل بره المساء بتأخر .. و لازم ننسق معاه موعد مرقاتنا ...
اثناء ما بتكلم جاه اتصال ماسنجر تعابير وشه انشرحت فرح ومبسوط ورد بابتسامه ولهفه كانت زوجته (مي) فيديو سلم عليها وسالت مننا اننا وصلنا اداها كلمت امي اتحمدلت ليها السلامه انا قمتا طوالي اول ما سمعتا صوتها باين عليها شافعه مدلعه من صوتها و لهجتها المايصه 😏
كأني انضربتا كهربا قمتا دخلتا للغرفه القال حقتنا وقفت قدام المرايا بعاين لنفسي و بقيم فيها شعري طويييل اسود حريري مغطي ظهري كله ملامحي حلوه جسمي جميل بشره تلق واناقه 🤨
قلت ل في نفسي لازم ارجع زي ما كنتا لازم ارجع قمر القويه الجميله الغنج والدلال حقى ما محلي الذل و الانكسار و الحزن القمر دايما عالي فوق الناس هي البترفع ليه راسها ما هو البنزل لتحت .. فجأه اتذكرتا صوتها آه من المفعوصه بت الحرام دي .. اتصعقت كهرباء من مجرد صوتها 🥴 .. ليه بحس كده ما عارفه دي مرته 😔
امي بعد شويه جات داخله قالت لي والله ظريفه مرته سلمت علي 🤗
قلت ليها دي خبيثه يعني دايره تورينا انها عارفه وانها برضاها و موافقه
امي قالت لي لا يا قمر باين عليها بت صغيره وطيبه شديد بريئه في شكلها ظاهر حلاتها 😊
ما اهتميت بكلام امي .👿.
اخدت دش وغيرتا ملابسي بي بجامه خفيفه مريحه ورقدتا نمتا
صحتني امي قالت لي قومي اتعشي ما جعانه
قمتا صلحت شعري و عملتا قلوس وكحلتا عيوني واتعطرتا وطلعتا لقيت امي مع مالك بحضرو في العشاء وكله حاجات جاهزه قلت ليهم عايزين مساعده ودخلتا عليهم المطبخ
أنت تقرأ
قمر الليالي
ChickLitقصة سودانيه بقلم moonlight©️ الجزء الثاني من أعز عزيز 💞 من المفترض انه عاشقا لزوجته اذا ما هية مشاعره تلك لما يرغب بها الى ذلك الحد لما قلبه يحترق لماذا نظراته لها بها الكثير من الحديث
