قمر الليالي

13

بعد طلع وانا ببحلق فيه زي الهبله رمقني بنظره مدمره كلها غصب و عصبيه وهو بلبس الروب ..
بشكله ده خلاني اتادبتا من الجوطه الكنت عاملاها وطلعتا من المويه و قعدتا في حافه المسبح مسهيه وشارده افكر هو عايز مني شنو و يهمو شنو فيني هو اختار خلاص بت عمه ورماني مفروض ما يخصه اعرف منو واعمل شنو في حياتي .. معقول يكون لسسسه !؟
لسسسه ما خلصنا !؟ لسه في شي باقي !؟ مسخ علي موضوع السباحه😪
اثناء شرودي وتفكيري بقيت هاديه بس قاعده واتفرج  لدقايق وطلع لابس لبس الفروسيه 😍 وعطره سابقه بالجد فارس شكلا و موضوعا  احيييي
انبهرتا مااا بكذب واشتهيت يكون لي واتمنيت يكون لسسسسه في شي بينا 😓الشباب سالوه ممكن نحضر ..

قال ليهم عادي ممكن و كنزلاء في المنتجع بكون عندكم منصه خاصه في الميدان واصلا ماف فعاليه يوم عادي محل ما تحبو تقعدو ممكن ...
يله انا بطلع عشان اجهز الفرس
قلت ليه  وانا ممكن اجي ؟
عاين لي بعين ما غريبه علي حسيتها حنينه مخلوطه بلوم وقال لي اكيد انتي تشرفي 🙂

فرحت زي الطفله الصغيره وبعد التوتر الحصل بقيت اقول نظرته دي فيها الف كلمه اعتذار ..قال للجماعه  لمن برجع بتغداء انتو اسبقوني ما تنتظروني .. ما حاسي اني جعان 😉

وبالفعل طلعتا بسرعه وقفتا وماشه مسرعه ومبلوله كلي جسمي و شعري ودخلتا الفيلا وقفت اتكلمت مع ماما وماشه اتزحلقتا شييييييط ما احس الا يد قويه مسكتني من يدي ونصي قبل ما التفت من عطره حسيته مالك 😇 وييييين يدينه دي من زمن ما لمستني  ..😔
بعد ثبتني مسكني من يدي وكتفي لحد ما قعدتا جمب امي القعدت تكورك فيني انتي مطرطشه من يومك دايره تقعي تاني وتعملي لينا قصه و حكايه وعمليات ما صدقت انك بقيتي كويسه
طلع للمسبح وجاء شايل لي الروب غطاني بيه وامي شكرته وقالت ليه يا ولدي تسلم كنت جمبها ومسكتها اخرناك عن تدريبك
انا اتغزت من شكر امي ليه .. قلت ليه

:  انت موش طلعتا الرجعك شنو تاني؟ 🙄

: نسيت بطاقه العضويه ورجعت اجيبها .. وانتي زعلانه ليه كده كان اخليك تقعي يعني 🤨

:  كان عادي اصلا متعوده منك تخليني اقع 😕

وشه لمن اتخطف من كلمتي  احيي و جعتك ؟ انا عشتها بحزافيرها 😭😭😭 عرفته حاسي بتانيب ضمير يمشي ويييين انت دخلتني في حسابات مالي دخل فيها في لحظات انتهيت من حياتي وانا زي الغبيه كنت مصدقه وبديت الوم نفسي تااااااني مفروض ما اعاين في وشه من عملته معاي معقول كل ما نتلاقى بغرق بغرق بغرق فيك  بغرز زي الرمال المتحركه كل ما قاومته بغرس زياده فيك 😭 يا ربي ساعدني انساه وابعد منه لو بعده خير لي 😪

كلمتي القلتها ليه دي عكرت مزاجي شدييييد وصدعتا وقلبي تعب وصدري ضاق .. بالتاكيد وطبعا ما مشيت للميدان ..

مشيت استحميييت مسافه وطلعتا غيرتا بجامه خفيفه    ونشفت شعري واتمسحتا واتعطرتا وبلعت حبتين بندول و قلت لامي لو نمتا ماف زول يصحيني
حاولت انوم بقيت اتقلب ما قدرتا انوم في الاول مسافه بس افكر