قمر الليالي

29

: ما اشتقتي لينا ؟

: والله ☺ كذابه اذا قلت ما اشتقتا لكن يا مالك انا بديت اسال نفسي انت بتحبني بجد ؟ابتديت اشك😔
يعني معقوله تعمل كل الحاجات دي كلها عشان ترضيها ترجع ليك 😭ياخ الفرش العامله ليها بحياتي كلها
حسيت اني ما لي لازمه  في حياتك و لا شي مهم زي ما كنتا متخيله حتى بيتي ناقص كله و مبهدل ما زيها كانه بيت كالع من صوره .. وانت بهناك خارب البلد
لو بتحبني وعايزني وماليه عينك ما بتحنسها كده ونحن لسه في شهر العسل ما شبعنا من بعض بانشغالك طول اليوم  .. ده كله كوم  والكوم التاني معقوله داير توقف عرسنا علي كلمه منها 😪.  . معقوله تراضيها بعربيه ؟! عشان ترجع ليك 😪و انا  و امي بنحنسك لشقه ايجار  نسكن فيها للدرجه دي ما قادر تصبر علي فراقها؟انا كنت مقصرة معاك في شي ؟ .. ربنا بسألك من حقي وين العدل هنا

: اسمعيني ده حوار طويل يله بيتنا نتفاهم هناك🙄 اتصلي بامك قوليها انا ماشه بيتي مع راجلي  🤠

: يله نمشي بيتنا لكن بشرط .. يدك ما تختها فيني انا زعلانه منك 🤕 بس وريني انا شنو بالنسبه ليك اول

: انتي بس يله ويدك وما يدك نتفاهم فيها برضو ..

اتصلت علي امها انها ماشه بيتها مع مالك ..

مشو شقتهم وفتحوه نقاش عقيم قريب ال ٣ ساعات بقنع فيها انه لمن اتصالحو دي كانت شروط مي عشان ترجع واضطريت اعمل كده عشان فيّ ومقعدين رجال القبيله كلها انتي دايراني اكون ما عندي كلمه وهو فوق ده كله ابوي ما راضي 😑 وبعدين الوصل ليك الكلام ده ما حكى ليك اني مفترض اطلقك ده الشرط الاول و الاساسي كان وعلي اساسه لمو الرجال ديل وانا رفضته من غير نقاش .. يعني لو انتي هاينه علي ومتشبك فيها زي ما بتقولي كان ده سبب اتخلص بيه منك ..

: انت قلت ما عندك ليها شي وحتطلقها لكن بعد تأدبها
اتأدبت لكن ادب صاح 😏 انا حاسه ادبتني انا بالاصح

: ما حصل قلتا ليك حطلقها  ولا مره  ..انتي قبلتي  بزواجنا بالوضع ده  ..انا ما غشيتك ولا كذبتا عليك قلتا ليك حخليها ول اطلقها مفرةض تكوني عارفه  انها فيوم حترجع نحن ما مطلقين كنا  متخاصمين

: كنتو ؟ هسه خلاص المياه رجعت لمجاريها

: قمر انا بمره النقاش الغبي في الموضوع ده وما بتحمل تريقتك و بتتكلمي معاي زي البتحاكمي فيني ليه جبتا وليه عملتا  .. ده كلللللللللو شي ما بخصك  دي حياه منفصله عنك وكونك جبتي سيرتها وسمحتا ليك  ما معناها تاخدي راحتك  .. خليك عارفه حدودك وين 😠

: حدودي ؟ و حياه منفصله ؟ ..  انا وين في حياتك  ؟
مجرد وحده بتجي تنوم معاها و تعيش حياتك  ول عندك لي مشاعر ؟

قاعدين يتناقشو في نص السرير حق الدبل ..
مالك قال ليها بطلي جرجره هسه وفكينا من السيره دي كأنك قاصده تعصبيني وخلاص وانتي عارفه العصبيه دي بتهيج لي المعده 🤢 ول دي برضو ما عارفاها؟ .. بعدين الموضوع ده قفليه انا زهجتا منه استهلك اعصابي كفايه 😤 ديليت خلاص