علي مرور الايام البمشي فيها بيتهم مع امي .. يوم بطريقه حريفه شلت رقمه من ولاء
واول ما رجعتا البيت راسلته طوالي
قمر : مساء الخير
((اول شاف الرساله وما رد علي الا بالليل))
مالك : اهلا
مين معاي ؟
قلت اشاغله شويه
قمر : معجبه سريه
ما رد علي ابدا روحي حرقتني طبعا قلت ليه
قمر : انا قمر
مالك : اهلين بالمعجبه😍 وانا برضو معجب
قمر : اهاااا شكلك حريص يا ولدي هههههه و معجبينك كتار وخايف ترد تغلط و الغلطه بورطه
مالك : ابدا انتي جبتي الكلام ده من وين 😂😂 ده انا غلبااااان
قمر : قلت لي معجب لكن ما باين عليك
مالك : هو الاعجاب ده ببين كيف ؟
قمر : بالاهتمام وتفقد المعجب بيه ده وتتحري تلقاه و تقابله ..
مالك : والله في بالي اكتر من ما تتوقعي بس انتي عارفه مشغولياتي قدر شنو
قمر : خلاص خلينا وسط مشغولياتك دي
مالك : wellcome🤗
قعدتا اضحك طبعا
قمر : خير البر عاجله
مالك : تمام بكره عازمك غداء كيف وكيف و علي فكره غداي الساعه ٢
قمر : لاااااا بكره عندي جامعه للساعه ٥ ما حقدر اطلع ابدا 😭😭😭
مالك : خلاص مره تانيه ان شاء الله
قمر : لااااااا ما الا اطلع معاك تعال انت جامعتنا نتغدا هناك عندنا كافتيريا رهيبه وعازماك انا ..
مالك : ضروري ؟ بالجد خليها يوم تاني من غير ما اضايقك واغير ليك برنامجك
قمر : تضايقني 😲 بتهظر موش
مالك : خلاص تمام
مالك : عن اذنك تصبحي علي خير
قمر : وانت من اهله
طبعا استغربتا في الانسحاب المفاجيء ده لا زال الليل طفل يحبو وهو زول سهر شنو التوزيعه دي 😕
اتغزتا شديد طبعا اتصلتا علي وفاء اخته مع اني كنت معاهم قبل شويتين بس الشمار حرقني فتحت معاها موضوع ولف الكلام وجبت سيرة مالك وسالتها منه لسه بتاخر
قالت لي رجع بدري الليله لكن هسه شكلو طالع شميت عطره هههههه
قلت ليها انتو مالك ده ما بسالوه ابوك وامك بمشي وين ؟
قالت لي هو مقضي ليهم طلباتهم كلها كان في الشغل ول اللبيت فما عندهم حق يضايقوه في مرقاته الخاصه غالبا بقابل اصحابه بمشو بشيشو في العوامات الفي شارع النيل
بقيت افكر صحي اصحاب ول صحبات 😔 وزول زي ده بتزاوغ زي السلايم كيف يكون وضعي معاه وهل حيكون جادي معاي 😒..، رغم كده تاني يوم صحيت متحمسه بزياده لبست اسكرت قوتشي اسود وابيض طويييل الا ربع و البلوزه كانت بودي علي الجسم مسترده والجزمه سبورت بيضاء والشنطه قوتشي ظبطتا شعري رفعته لفوق لكن خليت خصل نازله مع اكسسوار خفيف .. ظبطت ميك اب نهاري خفيف وشلت معاي ريحتي و مكياجي عشان اصلحه بعدين تاني
طلبت من ماما قروش زياده وكلمتها انه مالك جاييني في الجامعه عزمته غدا قعدت تضحك قالت لي بتين اتلاقيتو قلت ليها في الواتس
وطلعتا مشيت بترحال وطبعا وصلتي كلمت جماعتي ناس ريل و 😍😍😍😍😍😍 ناس العشق الصامت انه الحب الليله جايي واخير كسرت جدار الصمت
بقو منتظرين كلهم معاي الساعه ٢ عشان يشوفوه 🤣
خلصنا محاضراتنا وطلعنا للبريك التاني قعدتا في الكافتيريا حجزتا مكان حلو بارد قدام المكيف
الساعه ٢ الا تلت تقريبا اتصل علي قال لي انا في الطريق اتحركتا عليك عندي ساعه وحده ممكن اتغدا فيها بعدها عندي كونفرانس كول مهم تمام قلت ليه تمام
مع اتصاله دايره اطير عديل اصحابي قعدو في طربيزه قريبه مننا هم زاتهم متحمسين لي
أنت تقرأ
قمر الليالي
ChickLitقصة سودانيه بقلم moonlight©️ الجزء الثاني من أعز عزيز 💞 من المفترض انه عاشقا لزوجته اذا ما هية مشاعره تلك لما يرغب بها الى ذلك الحد لما قلبه يحترق لماذا نظراته لها بها الكثير من الحديث
