بعد الحصل ده بقيت انا و مالك كل دقيقه مع بعض عارفين تفاصيل بعض لو في الحمام بعرفه 🙆♀️ ونسه وضحك وهظار و حب و غزل وكله 🤣🤣
بنقضي الليل كله ونسه بالتلفون لقريب الصباح رجعنا زي زمان و اقوى .. حسيته مشتاق لي شدييييد زيي و اكتر لمن حسيت بقيمتي عنده يقول لي اصبري بس خلي الماذون يشوف شغله تاني نوم الساعتين ديل زاتها مافي ليك 😅
ده كوم و البحصل في الشركه كوم تاني خالص🥰 يكلم سكرتيرته انه عايزني في شغل تناديني لمن ادخل يقول ليها ما عايز ازعاج .. 🤣🤣🤣 واجتماع غير شكل 😍 حلاوه و قهوه و طق حنك و ضحك وحب وكله.. طبعا هو ما بجيب سيرة مرته ول بته ولا بالغلط ولو سالته انا ول جبت السيرة بالغلط يقول لي لازم تعكري صفو اللحظه يعني 😑 ويسألني امك قالت شنو ما ردت لي لسه بقول ليه بتفكر في حين هي ما حركت ساكن ولا عايزه تطمني ولا كلمت زول من ناسها القالتهم ديل .
مر اسبوع و اتنين وعرس خالد قرب ومالك ضاغطني بانه امي رايها شنو وقالت شنو .. آخر شي قال لي انا زهجتا وعرس خالد قرب وما حكون فاضي وفعلا اختفى كم يوم لا بجي الشغل ومقفل تلفونه ولا شي لمن قلبي وجعني 😥 قلت بالسهوله دي استغنى عني وقدر يبعد الكم يوم ديل 😓 @@@@@@@@@ خالد طبعا عازمني و مصمم اني اجي حنته رغم انها في بيتهم .. وعاملها يوم مفتوح من الصباح فطور العريس و غداء و عشاء و الفنانين ديل حيكونو طالعين نازلين كنت محضرة فساتين للمناسبة دي من برة السودان حاجات روعه شفتها قروب في الفيس اسمه (grey) امي قدر ما شالتني و ختتني ما امشي قلت ليها ماما انتي بتطلبي المستحيل ما كفايه انك لحد هسه ما اديتي ولد الناس كلمه وكل مره يسألني لمن اتحرجتا وكان هسه مشيت دبلتي في يدي 🤪 امي زعلت وهااااجت قالت ما عندك احساس ناس ما طايقين يشوفوك .. و اهله لو عرفوك بدمروك ده المخوفني عليك 😔 قلت لامي كل ناس الشركه و المجموعه جايين وحكون وحده منهم يعني ما براي مع زميلاتي و صحباتي واصحابي .. ويدمروني يعملو شنو يعني ولدهم الساكيني و جاري وراي 😏 امي قالت لي يا ريت كان جاك العريس منهم شباب الشركه البتقولي عنهم ديل بدل ناس الجعلي
قلت لامي يا امي جاني عريس المدير التنفيذي للمجموعه ورئيس مجلس الادارة ..انتي الرافضه دايره يطير مني 🤧😥😢😭 ومركزه مع الموظفين الكحيانين 😌 انتي عجيبا
كنت مظبطه نفسي تقول انا العروس 😍😍لحد جسمي شلته كله
لبست فستان نهاري لونه تيفاني قصته ظريف ما طويل شديييد الا ربع مع شبط نود بشنطته و اكسسوار فضي بسيط و طرحة اوفوايت خاتاها ساي عشان مالك ما ينقنق معاي 😝عارفاه شديد و حافظاه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
