اصبحت الصباح صحيت متأخره شديد لقيت امي وخالتو في الغرفه ماف رقدت وقعدت اتذكر في الحصل امبارح ده وكيف الليل كله وانا افكر الصاح شنو ؟ صحي عايزاه ؟ ول صحي بكرهه ؟ ..
امي جات داخله وقالت لي قومي يا كسلانه نحن صاحين من قبييييل وجهزنا ايي شي ومهند و وائل جايين في الطريق يله قومي اجهزي واشربي ليك كبايه شاي ..
قمتا اخدت دش و سرحتا شعري رفعته بطريقه فوضويه ولبستا برمودا بلو جينز وبلوزه بيضاء بودي اكمامها نص وشبشب فلات كان عندي حجل واكسسوارات خفيفه ومكياج بسيط نهاري ونضارتي ركبتها في البلوزه واتريحتا
طلعتا كنت خايفه و متوتره القا مالك قدامي ويفهم قاصده اغيزه لكن ما شفته .. شلت اكياسي الامبارح اتسوقناها اديت امي حاجات جبتها ليها و لخالتو سهير برضو وشلت حاجاتي ستفتها في شنطه صغيره شايلا فيها غياراتنا
وطلعتا لقيت مالك بفتح في الباب وداخل قال لامي خلاص رفعنا كل شي باقي شى لسه ول خلاص لانه ناس وائل وصلو تحت ؟
قالت ليه الا بس قمر تشرب الشاي
عاين لي ونزل عينه بسرعه قبال ما يقولو شي قلت ليهم ما عايزه شاي يله خلاص
امي حاولت تحنسني ما رديت شلت شنطتي وطلعتا طوالي وهم بوراي نزلنا
من دون تفكير مشيت لناس وائل سلمتا عليهم وفتحت الباب القدام حق عربيتهم و ركبتا معاهم خليتهم بره جايطين اخر شي وائل قال ليهم قمر معنا 😍 وانت يا مالك معاك الحجات ديل الغزلان الشارده ديل ويضحك ههههه خلي بالك منهم ومهند ركب ورا وطلعنا طوالي
حسو بي مقموصه وما طبيعيه اول ما ركبو شغلو اغاني بصوت عالي قفلت طوالي وقلت ليهم مصدعه شديد شاي ما شربتا
وائل قال لي ولا يهمك نمشي اقرب كافيه اشتري ليك شاي ول قهوه تعدل مزاجك
مالك كان ورانا ناس امي اخروه شويه
وائل اتصل عليه وقال ليه قموره دي مصدعه عايز اجيب ليها كابتشينو يعدل مزاجها في زول تاني عايز
قالو لا
وقفنا في اقرب كافيه فيه صف سيارات طلبو لينا التلاته كابتشينو مع كرواسون وطلبو لمالك معاهم
نزل مهند المسافه دي بسرعه للسوبرماركت جاب بندول و مويه فتح لي الحبه اداني ليها بلعتها
وائل مشى لمالك الكان واقف بعربيته ورانا دق ليه القزاز اداه كوب القهوه وجا ركب وطلعنا طوالي قال لي مالك ده مصدع من نقه امي و امك باين في وشه ما تمام هههههه
وصلنا للمنتجع مالك اتصل بوائل وقال ليه خليكم وراي لانه ارقام الحجوزات معاي
مشينا وراهم لحد ما وصلنا نزل مالك للاستقبال سجل دخول واخد مفتاح الفيلا
وصلنا وقفنا العربيات قدام الفيلا كان خرافيه فاااارهه جدا كبيره مكونه من ٣ غرف بحماماتها الداخليه مطله علي المسبح والصاله كبييييره جدا فيها جلوس وصفره و المطبخ فاتح فيها
اما المسبح بره فيه مكان للشوي و كراسي طويله للتشميس
أنت تقرأ
قمر الليالي
ChickLitقصة سودانيه بقلم moonlight©️ الجزء الثاني من أعز عزيز 💞 من المفترض انه عاشقا لزوجته اذا ما هية مشاعره تلك لما يرغب بها الى ذلك الحد لما قلبه يحترق لماذا نظراته لها بها الكثير من الحديث
