قمر الليالي

21

قمر حضرت لعرسها ما خلت شي و امها جيهتها تب ما خلت شي واتحبست زي ما كانت عايزه شيلت دخان و ماسكات وخلطات للجسم و للشعر زادت سماحه في السماحه 😍
مالك في وسط جوطته دي لاقي ليها وقت وهي بقت ما بتضغط عليه مدياه راحته وهو بحاول يكون كل شي بيرفكت شركات تنظيم الزواج بجوه في المكتب يعرضو عليه البحصل شنو بالصور بروجكتر كل شي نظمه تمام ...

فىّ كانت حاضرة في عز المعمعه دي برضو بعد هشام اتعين معاهم في الشركه بقى يطلب منه علي كم مرة يجيب في ّ للشركه .. بكون جايب معاه طقم بدله تاني احتياطي 😅...
تجي تقعد مع مالك في المكتب يتكلم معاها ويلعب معاها لما وقت الفطور يجي يطلع بيها مطعم يطلبو علي ذوقها ويأكلها ويتحمل جوطتها دي كلها يطلعو يشتري ليها العاب علي كيف كيفها 😍 ..

لما يوصلها البيت يتصل علي مي عشان تطلع تشيلها مااااااا بترد اصلا .. تطلع امها سعاد تسلم علي مالك وتشيل فيّ بتكون نااايمه من اللف يسألها عن مي كيفها ..
ترد عليه بحقد 😠 كويسه كان في كواسه الله معاها ويحلها بالسلامه روحها دايرة تتسلا من الحمل ده ..

مالك مشتهي يشوفها لكن كيف ما خلت طريق ما قفلته حتى في الواتس ما بترد ويعرف انها شافت رسايله صاحيييين زرق لكن ماف رد لأي شي حتى لما يرسل ليها المصاريف في حسابها في البنك وعايز يتأكد وصلتها ما بترد .
مي عايشه حاله نفسيه سيئه جدا غير حملها حست انه مالك انسحب من يدينها وما قادرة تعمل شي ولا توقف البحصل روحها بتتسحب منها كل ما وقت زواجه يقرب لما تفكر انه بعد اقل من اسبوع خلاص حيكون في حضن وحده تانيه بتجنننننن تبكي تبكي بانهيار واصلا في الحمل المشاعر بتكون غييير وحساسه ..
اهلها ما عارفين ليها صرفه ولا بعرفو سببها شنو لانها ما مظهرة انها مهتمه بالبحصل ..
ابوها يهرج مع امها انه هي تعبانه كده وهو ما جايب خبر كل يوم الشركات تجيه ويحضرو معاه ليوم العرس حيكون كيف و التصور النهائي من غير حياء ولا استحى وعامل فيها مهتم بفيّ .. هو لو مهتم بيهم ما بعمل كده ده قناع لابسه 😡😡😡 انا كل ما اشوف مي تعبانه الولد ده بكرهه اكتر
مي بتكون سامعه كلامهم ده كللللو وقلبها بتقطع اكتر 💔💔💔
لما تمشي للمتابعه للحمل مع امها تشوف النسوان مع رجالهم كيف ساندنهم ومعاهم تفقد مالك تتوتر تمشي تقعد في عربية هشام وتتابع بالتلفون لما دورها يجي حتى تدخل للعياده ..
وده كللللللو جواها بره عامله البت المافارق معاها واصلا احسن وشه ما عايزه تشوفه ولو مشت مستشفى ول شي اتنومت ما يكلمو مالك و اهله 😤

👰

حنة العروس قبل العرس بيومين ماشاء الله قمر عامله عزومه كبيييرة وحفله بالفنانات بالدلوكه في صاله راقيه جدا وممنوع ايي تصوير موبايل الا تصوير بنات خاصين ..
المعازيم طبعا حدث ولا حرج 🤣🤣 معظمهم لابسين شي شااااذ عشان حنه عروس كده 😙 العروس لابسه هندي تيفاني زي يا سمين ونفس التسريحه بتاج بسيط