قمر الليالي

20

النور فتح وسعاد بتصحي في مي يا بت يا بت مالك بسم الله الرحمن الرحيم قومي مي يا مي بتبكي وبتكوركي في شنو يا بتي الله يديك العافيه ده شي جديد كمان كله من الهامله دي تلقيها عامله ليك مصيبه زمان لكن الشغله ما عليها الشغله علي راجلك العمل منها شخصيه وختاها محلك وحتبقى ضرتك ..
مي قامت تبكي وتشهق بالبكاء وتحضن في امها ..  ماما  مالك وين ؟ عايزاه يا ماما  😭😭😭😭
شالت تلفونها لقت الساعه ٣ صباحا  .. مي اتصلت علي مالك فورا وامها هايجه تدقي علي الراجل الامبارح ضربك كف دايرة منه شنو يا بت انتي جنيتي

مي ولااا اشتغلت بكلام امها  وبتحاول تتمالك اعصابها و تسكت نفسها .. رد مالك بنعاس
: الوو

: مالك 😭😭😭 انت كويس ؟

:  ده فلم جديد  من افلامك 😠خير يا مي في شنو

: قول لي انت كويس ؟ اتكلم قول ايي شي

:  اقول شنو ؟ انا كويس انتي كويسه وفيّ كويسه ؟

: نحن كويسين لكن ... لكن عايزه اشوفك ضروووري هسه تعال

: انتي  عارفه الساعه كم ؟ مستوعبه  كلامك ده ؟😯

: بكامل عقلي عايزاك هسه قدامي هنا يا مالك

: بكره بغشاك انتي في البيت ول مع اهلك

: مالك بقول ليك هسه عايزاك قدامي ول انا بجيك هسه .. اقوم اطلع اسوق العربيه واصلك في الفندق ..

: خلاص خلاص تمام مسافة السكه بس

: منتظراك وخلي بالك من نفسك وسوق براحه  انا مع  ناس بيتنا

مالك قفل الخط ومستغرب في مي بعد الردحي الامبارح ده كله  و المشاكل و النبز .  . تدق عليه في وقت زي ده ودايره ضروري 😳
قام غسل وشه واترتب ولبس جلابيه وبقى مارق ..

اتصلت عليه تاني قال ليها انا في السكه جايي قربت عليك
وصل بيتهم ابوها فتح ليه الباب مالك طوالي قال ليه خير يا عمي مي كويسه و في ّ ؟
ابوها قال ليه فيّ كويسه لكن مي اشك البت جنت خلاص .. صاحيه من النوم تكورك وتبكي وتنادي فيك 😠
مالك دخل غرفتها طوالي لقاها في نص السرير وامها قاعده جمبها .. اول ما شافته قامت من نص السرير ومشت في السرير عليه وحضنته قوي وتبكي وتبكي وتبكي و تتشهق ومالك ضاميها عليه ويربت علي ضهرها بحنيه يقول ليها اهدي يا مي .. تقول ليه انت كويس تزحه تعاين ليه كويس وترجع تاني تضمه و تبوس في رقبته وتشم فيه وتبكي تاني.. يقول ليها مالك انا كويس يا مي
امها وابوها😧😧مستغربين الحاصل
نزلت من السرير ومسكته من يده وقعدته وقعدت جمبه قالت ليه انا اسفه علي الكلام القلته ليك امبارح وما كان قصدي بس انت عارفني لما ازعل بتنرفز وبقول ايي كلام .. يله عايزه اقول ليك اتزوج😓 واعمل العايزه 😓 ما بحميك لكن خليني مع نفسي لحد ما ارضى واقتنع ارجع للبيت ح ارجع براحتي .. ما تجبرني علي ايي شي  واستحملني مالك  ما ساهل علي  الحتعمله 😭😭😭