هاربه للزواج💙

الحلقه 1 💙

ترف : هاك الفلوس ومعاش نبي نشوف وجهك

سامر : تم غير تبي أي خدمه جاهزين

ترف : مانبي شيء

D033-10#

هاربه للزواج 👰💙

اسمي ترف صح اسمي غريب بس بابا ( الله يرحمه سماني ) المهم مواليد 99 مواصفاتي جسمي متناسق منيش طويله جمالي عادي بس نحب نهتم بي روحي ونقرا سنه ثانيه كليه تخصص هندسه ( في سنه سقطت فيها )بابا توفى بعد عمري 4 سنين وماما ازوجت بعد العده طول بي حكم اللي ازوجاته ولد عمها وخوالي مبوش يخلوها عندهم فوافقت عندي خو واحد اسمه واصف عمره 26 متخرج من الاقتصاد اما الباقي فخوتي من امي اللي هما ( سليم عمره 16 ورهف 14 )

علاقتي اني وخويا مع راجل امي زفت ميحبناش ولولا ان امي شرطها ان لازم معاها كان لوحنه من زمان ديما خويا مهون عليا ومش منقص عليا شيء يخدم بيش يصرف عليا وطبعا عندنا ورثه من بابا خليكم تشوفوا حياتي

------------------------------------------------------------------D033-10

الحلقة 1

زاهيه ( ام ترف ): ترف نوضي هيا

ترف : وحق من خلق الشمس ماني نايضه لين راجلك يطلع مخاطريش في شبحه

زاهيه : عيب تقولي هكي نوضي

ترف حولت الورغان من عليها : منيش نايضه فهمتوها

زاهيه : والكليه

ترف : متخمميش عليا تو نعدي

زاهيه : تمام علي راحتك اني عارفه من هينوضك

ترف رقدت وبرقت في السقف شوي وخش واصف : نوضي ياهم بلا جو

ترف : منيش نايضه وخالق الراس قاطعه

واصف : عارفه ان حوشه نلزوه يعني

ترف : هوا مش حوشه؟ واني منيش طالعه ابدنه فيه

واصف : منين جايبه كساحة الراس

ترف ردت رقدت وحطت عليها الورغان : اطلع وطفي الضي

طلع واصف وترف رقدت ماوعتش لي روحها الا الساعه 2 الظهر ناضت خشت للحمام وصلت ونزلت لقت خوتها مقعمزين في الصاله مع بوهم

بشير( راجل أمها ) : باهي يلي نضتي

ترف مردتش علي وفاتت للمطبخ لقت امهم ادير في الغدي قتلها : ماما

زاهيه : نعم

ترف : نبي نعدي لي تقوى صحبتي

زاهيه : عدي

ترف : منوره ( جت بتنوض اذكرت ) أي نسيت امس الليل شن الهرجه يلي نسمع فيها

زاهيه : كانش في دماغك مافي شيء

ترف : ماما زاهيه سمعت عياط امس

زاهيه : مفيش شيء ولد وبوه يتعاركوا