هاربه للزواج👰♀️💙
الحلقة 5
وهلها يحزوا لين فجأه نطحت ترف وترف اغمى عليها وطاحت قعدن رغد وباسمه وتقوى ينوضن فيها والبنت خدتها اختها دخلتها جت الام وجابت اميه
رغد خدت اميه ورشتها عليها ترف ناضت : شن خيرني انحولت ولا خيره الدنيا ادور هكي
باسمه : ترف تشوفي فينا ترف
ترف كانت الدنيا مغبشه لين وضحت وصبت قتلها تقوى : هيا نروحوا بسرعه
رغد : مزال نص ساعه ويجي السواق
الام : خشن والنبي سامحنه عاللي صار خشن
قعدن يبرقن في بعضهن وقالت ترف : وكان خشينا وجتنه
الام : لالا اختها حبستها خلاص
خشن البنات وقعمزن قالت باسمه : سامحيني بس خيرها بنتك
الام : بنتي زمان انخطبت وقعدت سنتين بعدها فسخوا الخطوبه ومن هنا هبلت كل ما تسمع بي خطاب ادير هكي
ترف : لا حول ولاقوة الا بالله
رغد : ربي يشفيها💙
ترف : اني نبي الحمام لو عادي
الام : تفضلي
باسمه وشوشتلها : مزلتي بديري شيء فكينا
ترف : منيش جايه ومروحه عالفاضي
صبت ترف وخشت للحمام بعد شويه فتحت الباب القت مفيش حد طلعت تجري فتحت اول دار متاع بنات فتحت ثاني دار مسكره فتحت ثالث دار كأنها دار ولاد خشت القت لابتوب وفلاشات لمت لفلاشات في شنطتها وفتحت الابتوب ودخلت فلاش عطتهلها باسمه يدير سفتوير للابتوب دارتله سفتوير قلبت لقت واحد راقد عالسرير ويتحرك خافت قعدت تتخنس بالشويه وبعد شفاته طلع هوا نفسه فرحت خدت التليفون يلي أحدا طلع في رمز خداته في شنطتها وطلعت تجري
خشت للصاله : هيا بنات
صبن البنات : هيااا
وهنا طالعات تجيهن بي سرعة الفهد هديك البنت وتزرك : خطاااااااب خطااااااااب
اول ماشافنهاا خدن عباياتها في افامهن وفركنهاا براااا
رغد تلهث : حسبي الله ونعم الوكيل فيك يا رهف
باسمه : ان شاء الله غير تعبنا جاب فايده
ترف طلعت الفلاشات وتليفونه : شن رااااايكننن
تقوى : تريييسه
ترف لوحتهن عالوطا قدام حوشهم وطلعت القادومه وبدت تخبط فيهن بعده طلعت ورقه وكتبت عليها : تلعب مع اختي نحرمكك المعيشه
وعدن البنات يجرن
------------------------------------------------------------------D033-10
أنت تقرأ
هاربه للزواج💙
Mystery / Thrillerلما تحس روحك تبي تهرب من حياتك بأي شكل وفي نفس الوقت مش قادر كيف ادير وكيف يصير ؟؟!😞 روايات دعاء عبدو🤍
