هاربه للزواج💙

الحلقه 13 💙

لايك وتعليق 💙

هاربه للزواج 👈👰

الحلقة 13

طلعت بره وتفاجئت بي رهف تبكي على الدرجات

ترف جتها بي خوف : خيرك شن صاير

رهف مسحت دموعها : لا لالا شيء ب بس تعاركت اني وسليم وسمط عليا

ترف : وين تعاركتوا

رهف : في ممر الديار

ترف قعمزت : بس سليم بايت بره وطالع من العشيه

رهف برقت فيها وردت برقت القدام : م مخنوقه💔

ترف هزت بي راسها بي معنى أي عم الصمت شويه وترف قالت : خيرك

رهف قعدت تبكي : فياااا نااار تاااكل فياااا داخل هالحوش بي كبيرته مش واسعني💔

ترف برقت فيها : جديده ولا قديمه

رهف : لالا واللهي معاد غلطت ب بس حبيته مش بيدي ( ترف برقت فيها بي تفكير ) عقلي فهم ان حرام وغلط وميجيش بس قلبي لا مش قادر يفهم اللي فاهمه ان حب ومن جده كيف حبيته وليش مفيش سبب بس نااار تاكل فيااا💔

ترف : مزال يحبك

رهف : مش عارف درتله بلوك في كل شيء الا من قلبي مزال

ترف : الأيام تنسي وتو تكبري وتفهمي ان مش كل واحد تحبي يعني بيكون نصيبك💙

رهف مسحت دموعها وبرقت فيها : ترف عمرك حبيتي

ترف : لا عمري ما جربته الا مع عادل طبعا

رهف : معقوله قلبك عمره ما لهف لي حد عمرك ماحسيتي انك اللي قدامك تحبي وتبي

ترف : لا طول عمري نفكر في كلمه ماما قتهلي قتلي بوك زمان يقول نموت ولا نسمع حد جايب سيرة بنتي ولا ولدي مات واني هالكلمه في بالي نقول حتى لو هوا في قبره مش هنخذله

رهف : وقلبك فهم الكلام هذا

ترف : كنت نوعي فيه قبل يطيح (رهف قعدت تبرق فيها وترف صبت) وتوا صلي الفجر وارقدي وادعي ربي مرات يجيبه نصيبك💙

ترف خشت ورهف قعدت تقولب في كلامها

------------------------------------------------------------------D033-10

فات أسبوع وترف توتي لي عرسها لانه مزال علي أسبوع وواصف يدير في تعديلات في حوشه مزال مدواش علي عرسه امتى وبشير حول الكروسه قعد بي زوز قيلات وزاهيه لاهيه في التوتى والمعازيم والتقديم وترف معاش عدلت علي بشير ولا لهتله

------------------------------------------------------------------D033-10

كان بالضبط مزال 6 أيام عالعرس ترف تقسم في دبشها اللي بتخلي وبتقله

رغد : تررررف محلاها البلوزه هذي نبيهاا

ترف : هاااتي جاااي هاذي هديه من ماما في نجاحي