هاربه للزواج💙

الحلقه 7 💙

هاربه للزواج 👰💙

الحلقة 7

جي الصبح وتفاجئت ترف من اللي جايهم وقفت عالصاله وانصدمت كانت حنتها أي حنتها ( ام بوها ) ليها 9 سنين مش شايفتها

ترف : حنينه

ام علي صبت : ولا ومزال معلمينك هالكلمه (ترف جتها وسلمت عليها وباست علي يدها وقعمزت )كبرتي ووليتي عروس💙

ترف : مش واجد مزلت صغيره

ام علي :ليش رفضتي ولد عمك يا ترف ووفقتي علي الغريب

ترف وزاهيه برقن بي صدمه : ولد عمك

ام علي : خيركن مبقصات عيونكن هكي

ترف : ليش هوا امتى خطبني

زاهيه : أي امتى خطبني قصدي خطبها

ام علي : انتن متعلمنش ( صبت ) قولي لي راجلك يخبر وخوك يقولك اني جايه بس بيش نقولك ان صح نسينه ضني ولدي بس احني نبو نردوا القرب

ترف تبرق بي صدمه : القرب انتم ليكم 9 سنين مسألتوش علينا حتى في العيد عمركم ما عيدتوا علينا وفرحتونا انتم تقول ما صدقتوا تفكيتوا منه اني كنت لما نشوفكم نحس ان مزال في شيء من اثر بابا وعيلته بس للأسف الواضح ان اني وخويا بس مزلنا من اثره ( ترف صبت ) على كلن سؤال بعد 9 سنين كويس اقعدوا كل 9 سنين اسألوا علينا

ام علي طلعت وترف تبرق ودموعها عطرف عيونها💔

-------------------------------------------------------D033-10

عدت ترف للكليه وحضرت محاضره وطلعت قعمزت هيا وتقوى في الكافيتيره

ترف : بعد 9 سنين باهي فيهم اني قلت خلاص نسونا بس الواضح ان مزال في شيء يجذبهم لمنا

تقوى : شن بيجذبهم يعني

ترف : الماني القرقش ياعمري نسيتي اسهم اللي بابا شاريهم في شركة صاحبه بيش عايشه اني نشري ونلبس اللي نبي طامعين فيهن لولا ان جدي الله يرحمه كاتب حوشنا والأرض متاع واصف بي اسمه ومتاعي بس اسمي كانو لهطوهن وتوا عينهم عالاسهم

تقوى : لا حول ولاقوة الا بالله

ترف : لاكن ماضحكنيش في الموضوع كله الا ولد عمي اللي خطبني هذا تتوقعي أين خايب فيهم من اللي كنت زمان مقطعه عليهم جريد جدودي

تقوى ضحكت : كبدي علي عادل

ترف : ذكرتيني بيه اني هنبعتله رساله للتلطيف ههههه

تقوى : قاادره

-------------------------------------------------------D033-10

في مكان ثاني كان عادل يوقع في وراق اخر شحنة سيارات فجأه رن نقاله وفتح الرساله وهوا مركز عالاوراق فجأه لفتت نظره الرساله وعيونه قلوب قعدن

عادل يدوي بي صوت شبه مسموع : اهلين كيف حالك اليوم اني ترف قلت نبعتلك بيش تسجل رقمي عندك ( توا عادل يدوي ) ومعاه قلب احمرر اخخخ