هاربه للزواج💙

الحلقه 16 💙

لايك وتعليق 💙

هاربه للزواج 👰💙

الحلقه 16

واصف رد للواقع وعيونه دمعن فجأه الباب انفتح متاع الدار مسح دموعه بي سرعه

رهف : شن ادير هنا

واصف : اءءء انشوف في الدار بالك نست حاجه

رهف : توحشتها (واصف تنهد) عارفه انك توا نادم انك عطيتها ووافقت ممكن حتى تتمنى ان اني مكانها بس اني شايفه ان ترف فرحانه وبالعكس تريحت من شيء واجد واولهم بابا ( واصف قلب بي صدمه ) أي بابا يعني كلنا عارفين ان ترف كانت بس تبي تتفكى منه  

واصف : عدي ارقدي وفكك من الكلام هذا

رهف : انت ما عمرك عليت صوتك علي حد ولما عليته بي سبب انك تفهمه ان انت خويا بس اني نحس في روحي معنديش حد غيركم ( واصف مركز في كلامها ) ترف متحبنيش او بالأحرى متتقبلنيش بس لما طحت في مشكله ملقيتش غيرها وانت حميتني من من عرم شيء بس مع هذا نحس في روحي وحيده ( رهف بدت تبكي ) واصف اني منسيه عمره ماحد عدل عليا وقالي شن تبي يمكن عشان هكي لقيت الاهتمام بره اني منبررش لي روحي بس نعطي يمكن عذر ( واصف يسمع وساكت حس بي انه لازم يسكت بيش تفرغ ) بس اني نبي خو زيك يخاف عليا يحبني وعمره ما يسيبني بروحي ( رهف تعنقاته وقعدت تعيط مسح علي شعرها💙 )

واصف : اني اسف مكنتش نتوقع ان انتي تعبانه هكي ( حولها ومسح دموعها ) نوعدك اني نكون احسن معاك وتوا عدي ارقدي وتريحي ( رهف هزت بي راسها وطلعت وواصف سرح في تفكيره شوي وطلع لي داره )

------------------------------------------------------------------D033-10

جي الصبح وترف فتحت عيونها لقت عادل راقد سرحت شوي وتقول في خاطرها

ترف : والله وازوجتي يا ترف كأنه امس حلم وفات كأنه كل شيء فات بسرعه فجأه نلقى روحي هنا ونحب انسان ونحس معاه اني في امان محلاه عليك شعور💙 ( فجأه عادل فتح عيونه ترف رعشت ) ووه رعشتني

عادل :خيرك تبرقي هكي فيا ( ابتسم ) عاجبك

ترف صبت وحولت الغطا : لا بس سرحت

عادل اتكى عالسرير : أمم صدقتك

ترف تلم في شعرها : هيا نوض وقت عالجمعه

عادل : وين صباح الخير حبيبي صباح الورد يا عمري نحبك

ترف جاته : صباح الخير صباح الورد💙

عادل : ناقصه

ترف قلبت متحشمه وهوا ضحك قلبت وشيعت صبعها في وجهه بي صيغة تهديد :علي فكره يعني منسيتش موضوع امس نبي نعرف كل شيء

عادل حول الغطا وصبا : موضوع شن

ترف مصبيه قدامه : موضوع السلاح والضرب اني مش مطمنه