هاربه للزواج💙

الحلقه 27 💙

لايك وتعليق ☁

 هاربه للزواج 👰💙

الحلقة 27

فجأه نفتح الباب وكان عادل ترف انصدمت

عادل جي : متوقعتش نلقاك هنا (ترف صبت بتمشي شدها ) ترف اقعدي في كلام يهمك

ترف قعمزت رمضان قال : خيركم شن صاير

عادل قعمز : انت بتفهمنه وين المسجل اللي جاك في طرد يا بويا

رمضان انصدم : سمعته ؟

عادل هز بي راسه : والاحسن ترف تسمعه

ترف : شن منسمع مسجل شنو ؟؟

رمضان صبه وطلع المسجل وفتحه في البدايه موسيقى بعده يطلع صوت بشير

بشير : جايني بعد 18 سنه تقولي انك بتكشفني من بيصدقك اه

يونس : يصدقوا لانهم عمرهم ما وثقوا فيك

بشير : امشي وقوللهم ان اني اللي اسببت في حادث علي ( ترف شهقت ) شن بديرولك بيحذفوك بره وبيقوللك مهبول وهذا وين تفكر

يونس : هتنحبس وهتشوف

سكر المسجل وترف مصدومه ودموعها ينزلن رمضان : زيي زيكم عرفت توا كنت نسحابه فتحي لانه كاين قبلها متعارك هوا وعلي علي وطا هذا بيش عاديته ووقتها مشيت للشرطه بس ملقتش ولا دليل ضده مكنتش نسحابه ان بشير ولا لي لحظه فكرت يديرها

ترف صبت بي صدمه : يعني بشير هوا اللي قتل بابا يعنييي انييي الكرررره هذااا كلها مجاش عالفاضيي ( ترف طلعت تجري شدها رمضان وعادل ) مستحييل نخلييي دقيقه عااايش بعد ماا عرفت

رمضان : يابنتي خودي حقك بالقانون متديريش زيه بوك كان ميحبش لا التهور لا اللي ياخد حقه بيده

ترف قعدت تبكي : نبييي يتعذبب نبيي ينشوى نبيي يذووق الناار اللي ذوقهلنه نبييي يتمنى الممووت وميلقاااشي ( وقعدت تبكي وانهارت💔 وشدها عادل وحضنها )

-----------------------------------------------------------------D033-10

اما منير كان خاش لي حوشه جت اروى تجري

اروى كانت حالته حاله : منير

منير قلب : شن تبي

اروى : معقوله تنساني تنسى مرتك اللي تحبك صدقني مدرتااش واللهي مالحقت صح فكرت بس بعده تراجعت واصلا مكانش ليك

منير : شنوو لي من امال

اروى : كنت هنديره لي ترف وعادل ومش اني اللي نبي سندس تبي

منير انصدم : سندس

اروى : أي دخلت الفكره في راسي واني مشيت زي الهبله بس صدقني مدرتاش واللهي مادرته

منير مزال مصدوم : وليش بديره

اروى : عشان يطلقوا قتلي ان هيا احسن مني وان كل العيله تحبها اكثر مني ضحكت عليا ( شدت يده ) بس صدقني واللهي نادمه وكل يوم نلعن في روحي نبي نرد لي حوشي ولي ولدي